Amanesoma Luk Aa Chwera Tɔn 13:13 - mzwDBL

¹³ Yeesu kpɔ nɔɔra dawɛ haah la nɛ, asɛ buɡ la ta, o won pee o te, dɛ jam Korowii.

Amanesoma Luk Aa Chwera Tɔn 13:13 Referans Kwoze

Amanesoma Mak Aa Chwera Tɔn 16:18

Dɛ harɛkwaa dom ba aa, wobɛlbwa aa ba ɛɛ ba. Dɛ ba nyɔ tɛɡchɔɡa kwara naa, baa sewa ba. Baa wonoo kpɔ ba nɔɔra dawɛ weela tena nɛɛ bá dɔ bokpeɡa.”

Amanesoma Mak Aa Chwera Tɔn 5:23

dɛ soŋo ŋɔ, “N poori, nomoa, n bihaah bwara dɛ weo wɛɛ ba sewa. Ba dɛ́ ba kpɔ he nɔɔra dawɛ o nɛɛ ásɛ o bwara do kpeɡri o ir.”

Amanesoma Mak Aa Chwera Tɔn 8:25

Yeesu berɔ kpɔ nɔɔra dawɛ o sie ta ja, o nyiŋi bɔr jeiih ken, dɛ a maɡrɔ, name te wɛɛ na bɔr ɡereŋ.

Amanesoma Mak Aa Chwera Tɔn 6:5

O ta wone ɛ nyokpowaane bela, nemenɛ weela tena tamaa banee o kpɔ o nɔɔra dawɛ ba nɛɛ dɛ chaah ba.

Amanesoma Luk Aa Chwera Tɔn 4:40

Wee aa dɛ jo la, nɛra baa dɔ chamene tena baa we weela bwa soo siwi la kpɔ ba ba Yeesu be, asɛ o kpɔ o nɔɔra dawɛ ba nɛɛ dɛ chah ba bwa sekwaraa.

We-ɛɛla 9:17

Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

Amanesoma Luk Aa Chwera Tɔn 18:43

Ate, buɡ la ta, dɛ o dɛ na bɔr, dɛ teŋɛ Yeesu nɛ, dɛɛ jam Korowii. Asɛ nɛra la bwa aa naa la, ba kpɛɛ Korowii.

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 13:12

Yeesu aa nao la, o yerɔ dɛ ŋɔ o be ŋɔ, “Haah, le fini dɛɛ kaa, he weela kaalɔ, aa ba kpa.”