Amanesoma Luk Aa Chwera Tɔn 11:1 - mzwDBL

¹ Awola bɛl, dɛ Yeesu lɔ bobɛl dɛɛ soŋe Korowii. Waa tona la, o habɔteŋra la bɛl ŋɔ o be ŋɔ, “N Dɔɔ, baɡle yaa ɡɛ yaa soŋe Korowii, ɡɛ Jɔn aa baɡle o habɔteŋra la.”

Amanesoma Luk Aa Chwera Tɔn 11:1 Referans Kwoze

Yela 19:14

N Naa Korowii, ɡel n nyoa wobol, ne n liire ɛɛ lɛ he sie, henee n Lɛɛ, dɛ do kɛ Bwetal maa chwaa kaa marɛ.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

Amanesoma Luk Aa Chwera Tɔn 9:18

Awola bɛl, dɛ Yeesu ɡbo lɔ bobɛl dɛɛ soŋe Korowii, asɛ o habɔteŋra la la o be. Anee o bɔɔ ba ŋɔ, “Nɛn besoo nɛra ɛɛ lii mɛ nɔ?”

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Amanesoma Luk Aa Chwera Tɔn 9:28

Yeesu aa bol a ɡɛ waa nɔ la, a yawanyoa la, o kpɔ Pita ne Jɔn ne Jems, o ne ba teeh bwe bɛl dɛ kaa o doa, dɛ ka soŋe Korowii.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Amanesoma Luk Aa Chwera Tɔn 7:13

Yeesu aa na luhaah la, o waa do o sum, asɛ o ŋɔ o be ŋɔ, “Dɛɛ berɛ wii.”

Amanesoma Luk Aa Chwera Tɔn 7:19

Asɛ o yerɛ ba bini banɛ, dɛ tom ba Yeesu be ŋɔ bá ka bɔɔro ŋɔ onee nɛn Korowii aa baɡɛ nyoa ŋɔ wɛɛ ɡeloo o ba la aa, kɛɛ o laa ɔ, ásɛ baa nyiŋi naate habɔɔ?

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Luk Aa Chwera Tɔn 11:2

Anee Yeesu ŋɔ ba be ŋɔ, “Dɛ he dɛ soŋe Korowii aa, hé ŋɔ, ‘Ya Mɛɛ haa lɔ nyundua, henee chɛ duura. Baɡle he Kora dii harɛ nɔ ta.