Amanesoma Luk Aa Chwera Tɔn 1:64 - mzwDBL

⁶⁴ Buɡ la ta la, Sekaria o fa aa wola won bol waa la nyoa chaarɔ, o won bol wa, dɛɛ kpɛɛ Korowii kɛŋɔ waa ɛ wejena tɛo la.

Amanesoma Luk Aa Chwera Tɔn 1:64 Referans Kwoze

Amanesoma Luk Aa Chwera Tɔn 1:20

Kɛ haa wola n waa nɔ yaradae dɛɛ tɔŋ mɛ nomanta, hɛɛ berɛ amumuu dɛ́ ka tel kɛŋɔ waa nɔ bwa aa ɛa dɛ ɛ kpela mɔɔ he won bol wa. Jemɛ kɛŋɔ waa nɔ maa bola nɔ saŋ telaa, a bwa ɛɛ ɛo kɛrɛdɛ ken.”

Jeremia 1:9

Belaa Korowii tɛr nɔn leɡe n nyoa dɛ ŋɔ n be ŋɔ, “Taraken n kpɔ n waa dɛɛ do he nyoa, hé ka bol.

Ɛsekeɛl 33:22

Dɛ Korowii tɛ mɛ kpeɡri jɔmɔra bɛl, mɔɔ tɔɔper chɔɔbɔr baa la ba n be, asɛ Korowii pili n nyoa, dɛ ɡel n berɛ won waa bola.

Yela 51:15

N Naa Korowii, cha mɛ ń won waa bola, ásɛ n won kpɛɛre.

Matiu 9:33

Yeesu aa doŋi kwaa la le o nɛɛ la, baa la den dɛɛ bol wa, asɛ nomɛlbwa waa lɔ bela la nyoa kpo. Ba ŋɔ, “Ya ta waa nɔ dɔŋa nae Israel harɛ nɔ ta bwa!”

Ɛsekeɛl 3:27

Dɛ n berɔ dɛɛ ba ba bol waa he be ja aa, mɛɛ ɡeloo he won bol wa, dɛ́ bol ba be ŋɔ kenii men Nemenɛ Korowii ɛɛ bol, ‘Bɛlbwa waa no la ɛɛ noo, bɛlbwa waa wola no la ɡe aa no, dɛkalkɛ deŋnekpeɡ tenaa wubwa.’ ”

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Ɛsekeɛl 29:21

A ɡɛ waa nɔ chiɡo aa, mɛɛ ɡeloo Israel tena do kpeɡri, ásɛ dɛ ɡel hen Ɛsekeɛl bol waa nomɛlbwa no, ásɛ ba jemɛ kɛŋɔ menee Korowii.”

Kaala 4:11

Belaa Korowii ŋɔ o be ŋɔ, “Umee tɛ nɛn nyoa o kpɔ dɛɛ bol waɔ? Kɛɛ umee dɛɛ ɛ nɛn amumu ne deŋneɡbeŋa te, kɛɛ nɛn waa dɛ na ne onɔ la waa wola na nɔ? Men Korowii laa aa?