Amanesoma Luk Aa Chwera Tɔn 1:48 - mzwDBL

⁴⁸ O nyiŋi n ɡe maɡa nɔ dɔŋ maa ɛ nɛŋɡwɛɡre nɔ nɛ, dɛ ɡel nomɛlbwa ɛɛ ba taraken lee dɛɛ bol n waa ŋɔ n na som,

Amanesoma Luk Aa Chwera Tɔn 1:48 Referans Kwoze

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

Malakae 3:12

Anee dɛ́ ɡel harɛre ta nɛra bwa yerɛ heyaa bosɔɔhna tena, dɛkalkɛ he soɡe harɛdɛɛɡe ta. Men Koranar Bwa Kooroo bola.”

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

Amanesoma Luk Aa Chwera Tɔn 11:27

Yeesu aa bol ɡɛ waa nɔ tonɛ la, haah bɛl bol waa o be takpeɡ ne nɛra la baah ta, dɛ ŋɔ, “Haah waa lolɛ dɛ dɛɛre la na som.”

Yela 136:23

Onee lii ya waa dɛ na ya sum, ɡɛ saŋ yaa lɔ wahala ta. O nyina lole saŋ bɛlbwa dɛɛ la.

Amanesoma Luk Aa Chwera Tɔn 1:42

Belaa o kpɔ takpeɡ bol waa ŋɔ, “Korowii sweere andɛɛɡa ɡwaa haahna bwa, dɛ swee he bie waa lɔ he tea bini la ɡe andɛɛɡa.

Amanesoma Luk Aa Chwera Tɔn 1:28

Nyundua torome la ba Mɛɛre be dɛ ba ŋɔ, “Korowii nɛnnyini, jam. N Naa Korowii cheɡɛ he habɔɔ.”

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

2 Samoɛl 7:8

N bonɔɔ Devid, peeraa he teɡɛ dɛɛ la ane dibɔr n ka lawɛ dɛ ba cheɡe kora ta n nɛra Israel tena nɛ.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

Mumpar 30:13

asɛ Lea ŋɔ, “N sie lɛo name. Taraken n bala ɛɛ dɛɛ yer mɛɛ nɛn waa na som.” Asɛ dɛ pa bie la sɔn Aasa.

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Amanesoma Luk Aa Chwera Tɔn 1:45

He na som kɛ haa no n Naa Korowii wobol dɛ yarada kɛŋɔ ɡɛ waa la ɛɛ ɛo nɔ.”

Amanesoma Luk Aa Chwera Tɔn 1:49

dɛkalkɛ Nemenɛ Korowii ɛ wejena tɛ mɛ. O chɛ duura.