Amanesoma Luk Aa Chwera Tɔn 1:33 - mzwDBL

³³ Wɛɛ ɛ Jekɔb naanar bwa sekwaraa kooro o kora aa wola jaɡa dɔe ba.”

Amanesoma Luk Aa Chwera Tɔn 1:33 Referans Kwoze

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

2 Samoɛl 7:16

He naanar ɛɛ do lee saŋ bɛlbwa, ásɛ n ɡel he kora che kiŋkiŋ saŋ bɛlbwa dɛɛ la.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Tɔn Pɔɔl Aa Chwerɛ Rom Tena 9:6

N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra.

Galaasia 6:16

Nɛra baa dɛ teŋɛ ɡɛ waa maa dɛ baɡle nɔ ta ba soɡa bini la, Kórowii na ba sum dɛ́ tɛɛ ba bambisɔɔhna. Banee o nɛra Israel tena la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Matiu 1:1

Gɛ Kooro Devid naa Yeesu Kristo nabaala aa teŋɛ dɔŋa nɛɛ laanee nɔ. Abrahamee ɛ ba bwa nyu te.

Obadia 1:21

Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

Yela 89:4

‘He naanaree mɛɛ ba ɡela bá di kora saŋ bɛlbwa, dɛ́ ɡel he kora che kiŋkiŋ, ka tel he naanar baa ka ba bwa nɛ.’ ”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Amanesoma Luk Aa Chwera Tɔn 1:34

Anee Mɛɛre ŋɔ nyundua torome la be ŋɔ, “Maa wola baa jemɛ mɔɔ nɔ, ɛrɛɛ waa nɔ ɛɛ ba ɛɛ dɛ́ won maɡre ɔ?”