Amanesoma Luk Aa Chwera Tɔn 1:17 - mzwDBL

¹⁷ Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Amanesoma Luk Aa Chwera Tɔn 1:17 Referans Kwoze

Matiu 11:14

Kɛ dɛ hɛɛ yarada n waa maa dɛ bol nɔɔ te naa, Elaeja la baa bol o waa ŋɔ wɛɛ bao la, onee a ɡɛ Jɔn nɔ.

Amanesoma Luk Aa Chwera Tɔn 1:76

Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Amanesoma Jɔn Aa Chwera Tɔn 3:28

Maa ŋɔa ŋɔ n laa Kristo la, dɛ ŋɔ tomaa ba tom mɛ ŋɔ ń tɔ o sie la, he ta noɛ yaa?

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

1 Webena 29:18

N Naa Korowii, ya naa Abraham ne Aesek dɛ Jekɔb aa tomɛ, ɡel ɡɛ nyina nɔ do he nɛra bambile ta saŋ bɛlbwa dɛɛ la, asɛ ba waa dɔ kasinteŋ tɛ he ɡbo.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

2 Timoti 2:21

Anomanta, dɛ nomɛlbwa laa o te kpɔ wedoŋa ne wechɔɡa bwa ta naa, naate la do kɛŋɔ kwaa baa dɛ le a ne wejena ɡbo ta la. O do kaih dɛ do le tɛ o Dɔɔ, dɛ dɔ tɔnɔ tɛo, dɛ che le kɛ ó kpɔɔ ɛ tondɛɛɡa te bwa.

Aesaya 29:24

Nɛra baa ɡɛna ɛɛ hweli waa dɛ́ no a mun, banɔ la baa dɛ naɡre waa la ɡe sɛh baa baɡ ba wa.”

Tɔn Pɔɔl Aa Chwerɛ Rom Tena 9:23

ásɛ nɛra waa sune ba nɛɛ dɛ cheɡ ba kɛŋɔ bá ba na som la won jemɛ ɡɛ o som la aa doa dɛ dɔ jirima kohona.

We-ɛɛla 10:33

A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Amanesoma Luk Aa Chwera Tɔn 1:16

Wɛɛ ɡeloo Israel tena charɛ ba liire, dɛ́ ba N Naa Korowii be.

Matiu 14:4

dɛkalkɛ kooro la moo, asɛ Jɔn ŋɔ o be ŋɔ o ta an aŋwɛnɛ ta ɛɛ kɛ waa mo Hɛrɔdeas la.

Emɔs 4:12

Anomanta, Israel tena, mɛɛ tɛr he deŋnee. Maa dɛ ba heyaa ɡɛ ɛɛ nomanta, hé kpɔ he te dɛɛ kpa men Korowii haa dɛ tom mɛ, ásɛ n pa heyaa bolchɔɡe.”

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

2 Webena 29:36

Kooro Hɛsɛkea ne nɛra la bwa sie lɛo, Korowii chae waa cha ba ba ɛ a ɡɛ waa la bwa warane la.

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

2 Koranar 1:16

Elaeja aa tel bela la, o ŋɔ Kooro Ahasia be ŋɔ, “N naa kooro, waa Korowii aa dɛ bol he be laanee kɛŋɔ, Korowiirii wola toole Israel harɛ ta waa he tomɛ toroma ŋɔ bá la ka bɔɔ le Ekron voɡ Baal Sibub ta he weela nɔ waa naa? A ɡɛ nomanta, haa kalaŋ ta ira ba, sewaa chɛ kɛ he sewɛ.”

1 Koranar 18:18

Elaeja ŋɔ, “N laa ba waa ne Israel harɛ nɔ ta, he ne he mɛɛ dem nɛraa. Heyaa vɛh Korowii waa ta teŋa dɛ kaa teŋɛ voɡa Baalre nɛ.

1 Samoɛl 7:5

Asɛ Samoɛl berɛ ŋɔ, “Hé ŋɔ Israel tena be bá bwa cheme bwɛjen Mispa, ásɛ n soŋe andɛɛɡa le Korowii be tɛ heya.”

Matiu 3:3

Jɔn nɔ waa Korowii keame Aesaya faa bol la. O ŋɔ, “Nomɛl dɛ bol waa takpeɡ ne pua hɛŋle ɡbo harɛ ta dɛ ŋɔ, nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.”