Amanesoma Luk Aa Chwera Tɔn 1:15 - mzwDBL

¹⁵ Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 1:15 Referans Kwoze

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

We-ɛɛla 2:4

Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.

Amanesoma Luk Aa Chwera Tɔn 7:33

Jɔn waa dɛ sɔ nɛra Korowii nee la aa bala la, dɛ waa sen nyɔ, dɛ yon vɔwɛ nyoa, asɛ he ŋɔ kwaa dɛ ir o nɛ!

Josua 4:14

Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.

Amanesoma Luk Aa Chwera Tɔn 7:28

N dɛ ŋɔ he be, ba lolɛ nɛnjena harɛ nɔ ta, kɛ Jɔn ɡwaa ba bwa. Kɛ nomɛlbwa waa ɛ bechala Korowii Kora la ta te berɔ ɡwaalo.”

1 Webena 17:8

N ja he nɛ bobɛlbwa haa laŋa, dɛ yo he dɔma baa lɔ he sie, dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Yela 22:9

Hen Korowiirii ɡela ba lol mɛ, n taa ɛ bechasɔɔhna dɛɛ ɔr la, he nyiŋi n nɛ, dɛ tɛ mɛ bosɔɔhna.

1 Webena 29:12

Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

Mumpar 48:19

O mɛɛ ta sɛɛh dɛ ŋɔ, “N jemɔ, n bie. Manasɛ naanar ɡe ɛɛ warɔɔ dɛ́ ɛ nɛnjena. Kɛ o nime ɛɛ ba ɛ nɛnjenii ɡwaalo, ásɛ o naanar ɡe warɛ kohona.”

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Jeremia 35:6

Belaa ba chaŋe ŋɔ, “Yaa sen nyɔ, ya nabaa Jonadab waa ɛ Rekab bibaa do yaa ŋɔ, ya ne ya naanar bɛlbwa ta chɛ kɛ ya nyɔ sen bwa.

Amanesoma Luk Aa Chwera Tɔn 1:14

Dɛ o lolaa, he bambile ɛɛ sɔɔhnee he sie lɛ, nɛra sie lɛ pirim, bá hɛɡre.