Kolosi 4:6 - mzwDBL

⁶ Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

Kolosi 4:6 Referans Kwoze

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

Wejereme 10:12

Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Amanesoma Mak Aa Chwera Tɔn 9:50

Yar wer. Kɛ dɛ aa somɛ kpa aa, ɛrɛɛ baa ba a ɛɛ á do som jaɔ? Anomanta, hé ne he dɔŋa so kɛrɛdɛ dɛ́ do som ɡɛ yar aa soma la. Hé ɡel he nyoa pɛ.”

Sɛɡla 15:4

Wobodɛɛɡa do kɛŋɔ tɛɛɡa ken, neɡra wobolee dɛɛ ku loo.

Sɛɡla 15:7

Wejerema wobol dɛ tɛ wejema, Gɛne wobolee wola won wobɛlbwa tɛ.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Matiu 5:13

He do kɛŋɔ yar aa dɛ kwaa dɔr nɛwɛnyina bwa bini. Dɛ yar aa somɛ kpa aa, ɛrɛɛ baa ba a ɛɛ á do som jaɔ? A ta wejema dɔe bá ɛ kpa. Fuɡaa a den chɛ kɛŋɔ bá fuɡa ta dɛ́ tiɡri a ta.

Sɛɡla 10:21

Nɛn o wa aa toɡra wobol dɔ tɔnɔ dɛɛ tɛ nɛndamanta, kɛ ɡɛne te, liire waa wola dɔe la, dɛ́ kaa o ne seo ta.

Yela 119:46

Mɛɛ bol he waa koranar sie, sihiih aa wola men kpo.

Yela 105:2

Hé ɡo yela kpɛɛro, dɛ́ bol o nyokpowe-ɛɛla wa.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Amanesoma Luk Aa Chwera Tɔn 4:22

Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Yela 119:13

Mɛɛ dɛɛ bol he waa haa kpɔa baɡ mɛ laanee nɛra be.

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

1 Webena 16:24

Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

Mmarare 11:19

Hé bol baɡle he bii, hɛ́ɛ bola he dem soɡa ne he vala bini. He chɔe ne ira bini bwa, hɛ́ɛ bol a wa.

Lewi Dea Tena 2:13

Do yar mea saraha bwa ta á baɡle he ne Korowii haa dɛ tomɔ la fɔo. A chɛ kɛ yar do saraha bɛlbwa ta.

Ɛsekeɛl 43:24

Kpɔa ba n sie, ásɛ sɔfore la ɛ yar merɛ a ta, dɛ́ kpɔ ɛ saraha baa fuah tɛ mɛ.