Kolosi 4:18 - mzwDBL

¹⁸ Men Pɔɔl ɡbaɡbaa chwerɛ bonɔ la, n dɛ na heya. Hɛ́ɛ lii n waa kɛ ba ta aa do mɛ jɔɡrɔre n chɔ dea, dɛ́ soŋe Korowii dɛ́ɛ tɛ mɛ. Kórowii sune he nɛ dɛ́ cha heya.

Kolosi 4:18 Referans Kwoze

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

1 Timoti 6:21

dɛkalkɛ ɡɛ waa nɔ taa bane teŋɛ dɛ nyoɡre Korowii kasinteŋ ŋwɛnɛ la. Ń Naa Korowii sune he nɛ, dɛ́ cha he bwa sekwaraa.

1 Kɔrent 16:21

Men Pɔɔl ɡbaɡbaa bol waa nɔ ba chwerɛ, asɛ n ɡbabir ɡe chwerɛ anɔ aa kaa nɔ. N dɛ na heya.

Hibru 13:25

N Naa Kórowii sune he nɛ, dɛ́ cha he bwa sekwaraa.

Taetos 3:15

Nɛra n ne baa lɔ bonɔ la bwa dɛ nae. N dɛ na nɛra baa dɛ nyin yaa ya ne baa yarada Yeesu la. N Naa Kórowii sune he nɛ dɛ́ cha he bwa sekwaraa.

2 Timoti 1:8

Bɛ ɡel a ɛɛ sihiih kɛ haa dɛ bol ya Dɔɔ Yeesu Kristo waa dɛɛ baɡle nɛra. Bɛ ɡel n ɡe waa dɔe sihiih kɛ baa koh Yeesu Kristo waa dɛ do mɛ dea la. Kɛ hé ɡe che Korowii kpeɡri waa kpɔa tɛɛ la ta, dɛɛ na waa Amanesoma la wa.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

2 Tesalonika 3:17

Men Pɔɔl ɡbaɡbaa chwerɛ bonɔ nɔ. N dɛ na heya. Kenii n yon dɛɛ ɛ n tɔn bɛlbwa bini, ásɛ he won jemɛ kɛŋɔ n tɔnee.

Kolosi 4:3

Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Tɔn Pɔɔl Aa Chwerɛ Rom Tena 16:23

Men Pɔɔl dea te Gayos dɛ na heya. O deemii bonɔ asɔre tena ɛɛ cheme. Erastos waa dɛ cheɡ bwɛɛ nɔ suuɡa la, o ne ya dɔŋ Kwaatos bwa dɛ na heya.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

Tɔn Pɔɔl Aa Chwerɛ Rom Tena 16:22

Men Tɛɛseɔs Pɔɔl aa ɡela n chwerɛ tɔn nɔ tɛo la, n ɡe dɛ na heyaa ya Dɔɔ Yeesu Kristo sɔn ta.