Kolosi 3:14 - mzwDBL

¹⁴ Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Kolosi 3:14 Referans Kwoze

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

Tɔn Pɔɔl Aa Chwerɛ Rom Tena 13:8

He bɛ kem di wobɛlbwa ta a chɔ le kpa heyaa ka ja dɔŋa nyina ta. A ɡboo ɛ kem aa chɛ kɛ he di. Nomɛlbwa waa wona dɛɛ nyin o dɔŋ la, o tonɛ Korowii Mmara la bwa.

Ɛfesos 4:3

dɛ́ swɛɛ siwi hé ne he bala baah do wer saŋ bɛlbwa, dɛ bɛ nyopɛo la Korowii Domadɛɛɡe aa tɛ heyaa la chɔɡ.

1 Jɔn 4:21

Waa Yeesu Kristo aa kpɔa tɛ yaa laanee nɔ. Nomɛlbwa waa dɛ nyin Korowii la, a chɛ kɛŋɔ ó nyin o dɔŋ ɡe.

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Tesalonika 4:9

Too. Ane ɡee la. A ta hiaih kɛ ya berɛ baɡle heyaa dɔŋa nyina waa kpa, dɛkalkɛŋɔ Korowii baɡle heyaa ŋɔ hé nyin dɔŋa.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 15:12

Waa maa kpɔa tɛ heyaa laanee la. Hɛ́ɛ nyin dɔŋa ɡɛ maa dɛ nyin heyaa la.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

Hibru 6:1

Yaa jemɛ Yeesu Kristo weloɡla la nomanta la, siee a chɛ kɛ yaa kaa, dɛɛ la nomonome bini. Yaa berɛ pa mun bol ɡɛ aa chɛ kɛ ya charɛ liire le ya wechɔɡa aa dɛ kaa ya ne seo ta la ta, ne ɡɛ aa chɛ kɛ ya yarada Korowii dɛ kpɔ ya te tɛo waa kpa.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.