Kolosi 3:1 - mzwDBL

¹ Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Kolosi 3:1 Referans Kwoze

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

2 Kɔrent 4:18

Kwaa baa dɛ naa siwi ne la ta laa ya te sie dawɛ. Anɔ la baa wola an na la taa ya sie dawɛ. Kwaa baa dɛ naa la te, tɔpera anɛ bɛlee aa di. Asɛ anɔ la baa wola an na ɡe la, a ta jaɡa dɔe bwa.

Kolosi 3:2

Hé ɡel he liire bwa do kwaa aa lɔ nyundua la ta, dɛ́ ɡel kwaa aa lɔ harɛ nɔ ta,

Matiu 6:20

Kɛ hé ɡel he siwi swɛɛ Korowii doa kondɔɔh ta. Belaa kwaa aa wola toole dɛ́ chwea, aa wola dee, ŋwɛɛra ɡe aa wola won jo dea ka ŋwɛa.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Amanesoma Luk Aa Chwera Tɔn 22:69

Le taraken dɛɛ kaa la, Men Nɛn Bie la ɛɛ so Korowii Waa Ɛ Kpeɡnɛn diɡ taa.”

Kolosi 2:20

He ne Yeesu Kristo pɛo dɛ sewɛ, anomanta, he ne koŋkwaa aa dɛ di kpeɡri harɛ nɔ ta toole wobɛlbwa bini kpa. Aah bɔkwa waa he ta kpɔ he te dɛɛ do harɛ nɔ ta kii ta dɛ ɡel a vɔrɔwe heyaa ŋɔ,

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

Hibru 10:12

Kerabeŋkpoŋ ɡboo Yeesu Kristo te ɛ nɛwɛnyini wechɔɡa saraha, a den maɡre, aa wola hiaih kɛŋɔ o ɛ bɛl kpa, dɛ ka so nomombɔr Korowii diɡ ta.

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Ɛfesos 4:10

Nɛn waa tua la, o tentenee kaa nyundua dɛ ka do nyundujaɡla ásɛ dɛ won do bobɛlbwa.

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Hibru 1:13

Korowii ta nyundua toroma la bɛlbwa be ŋɔe ŋɔ, “So nomombɔr n diɡ ta ka tel kɛŋɔ maa ba he dɔma ne harɛ he tiɡri ba nɛ.”

We-ɛɛla 2:34

He jemɔ kɛŋɔ Devid ɡbaɡba laa ira kaa nyundua, kɛ waa waa bola laanee nɔ. O ŋɔ, ‘N Naa Korowii ŋɔ n Dɔɔ be ŋɔ ó so nomombɔr o diɡ ta bela

Amanesoma Luk Aa Chwera Tɔn 20:42

Aah Devid ɡbabir bol waa Korowii Yela Tɔn la bobɛl ŋɔ, ‘N Naa Korowii ŋɔ n Dɔɔ be ŋɔ so nomombɔr n diɡ ta

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Mak Aa Chwera Tɔn 12:36

Dɛkalkɛŋɔ Korowii Domadɛɛɡe fa ir Devid nɛɛ dɛ ɡel o baɡle Kristo waa dɛ ŋɔ, ‘N Naa Korowii ŋɔ n Dɔɔ be ŋɔ ó ba so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

We-ɛɛla 7:55

Korowii Domadɛɛɡe aa soɡe Steeven nɛɛ kpeɡri nɛɛ nomanta, o nyiŋi nyundua dɛ na kɛŋɔ bɔr aa chaahna werwer ken Korowii be. Asɛ o na Yeesu cheɡa nomombɔr Korowii diɡ ta bela,

Matiu 22:44

‘N Naa Korowii ŋɔ n Dɔɔ be ŋɔ ó so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Wejereme 10:2

Wejereme bɛlbwa bambile cheɡɛ waa aa toɡra ta, kɛ ɡɛne te, wedoŋa ɡboo lɔ o bambile ta.

Ɛfesos 5:22

Haahna, hɛ́ɛ no he jaranar waa kɛŋɔ he Dɔɔ Yeesu Kristo waa hɛɛ no la,