Kolosi 1:8 - mzwDBL

⁸ O bol ya be ɡɛ Korowii Domadɛɛɡe aa cha heyaa asɛ hɛɛ nyin dɔŋa.

Kolosi 1:8 Referans Kwoze

Tɔn Pɔɔl Aa Chwerɛ Rom Tena 15:30

Yabala, n kpɔ ya Dɔɔ Yeesu Kristo ne nyina Korowii Domadɛɛɡe la aa ɡela yaa nyin dɔŋa la, dɛɛ soŋe heyaa kɛŋɔ he cha mɛ dɛ́ swɛɛ siwi soŋe Korowii tɛ mɛ.

2 Timoti 1:7

dɛkalkɛ Korowii Doma waa kpɔa tɛ yaa la ta ɡelɛ ya ɛ ɔmeera. O ɡelɔ ya dɔ kpeɡri, dɛ dɔ dɔŋa nyina, dɛ won ya te lawa.

Kolosi 1:4

dɛkalkɛŋɔ ya noɔ kɛŋɔ he dɛ yarada Yeesu Kristo kɛrɛdɛ dɛ kpɔ he te tɛo, dɛɛ nyin Korowii nɛra ba wa aa toɡra bwa ɡe.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

Amanesoma Mak Aa Chwera Tɔn 4:22

Komɛlbwa waa sɔah ɛɛ le bochaahnee nɛra nao. Waa bwa baa tɔ a ta ɛɛ ba leo nɛra jemɛ.