Kaala 9:23 - mzwDBL

²³ Mosis aa tɛr o daŋɡbala la waa lɔ o nɔn ta la, Korowii ɡelɔ bwaala kɔr dɛɛ nyɛɡle, bɔr bwa chaah asɛ dombwea ɡe lee. Gɛɛ a do Korowii ɡel dombwea lee Ijipt harɛ.

Kaala 9:23 Referans Kwoze

Yela 18:13

Nemenɛ Korowii bol waa nyundua, a do kɛŋɔ bwaala aa kɔra ken, asɛ ba no o taa bobɛlbwa.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Ɛsekeɛl 38:22

Weechɔɡa ne nɛŋkpoaa mɛɛ ba kpɔe ba tɛr ba deŋne. Bwaalajen ɛɛ nɛo kohona, ásɛ dombwea ne jebɔrɔwe nii lee nomonjen Gɔɡ ne o laa tena, dɛ harɛre laa tena baa ja o nɛɛ bwa nɛ.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Yela 148:8

Bwaala nyɛɡla ne dombwea, ne baama dɛ peukpeɡa aa dɛ no o be,

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Yela 29:3

Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

Wepila 16:21

Tombwejena le nyundua dɛ do tɔɡre kɛŋɔ paanoo men bɔɡtɔ del dɛ ba lee nɛra nɛɛ dɛ a ɔma. Asɛ nɛra koh a waa dɛ chɛɡre Korowii.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Wepila 16:18

Asɛ bwaala ɛɛ nyɛɡle pelɔpelɔ bobɛlbwa, dɛɛ jiɡri, dɛɛ kɔɡre, asɛ harɛ jiɡri kohona. Korowii aa ta nɛwɛnyini bwa, harɛ ta ɡɛ jiɡre bwa. O jiɡra la ɔma.

Mumpar 19:24

Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba.

Kaala 9:18

Anomanta, n dɛ ba ɡela dombwea aa tɔɡa lee kere saŋ nɔ bɔr. Le saŋ la baa vɔrɔwe Ijipt bwa ɡɛ dombwea nɔ dɔŋa ta o ta leere mɔɔ.

Kaala 9:24

A leero asɛ bwaala ɛɛ nyɛɡle bobɛlbwa pelɔpelɔ ken dɛɛ kɔɡre dɛ do ɔma. A dɔŋa ta Ijipt harɛ ta chiɡe bwa.

Job Tɔn 37:13

O won baama kpɔe ba tɛr nɛra deŋne, kɛɛ dɛ́ ba sɔɔh harɛ, dɛ́ baɡle o nyina.

Yela 147:17

O ɡelɔ dombwea lee kɛŋɔ bwea ken. Umee dɛ́ won che dombwea la sɔne nyoa ɔ?