Kaala 6:3 - mzwDBL

³ Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Kaala 6:3 Referans Kwoze

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Yela 68:4

Hé ɡo yela kpɛɛ Korowii sɔn, hé kwaa ŋwɛnɛ tɛo, o le baama bini dɛɛ ba. O sɔne Korowii, hɛɛ hɛɡre o sie.

Kaala 3:14

Anee Korowii ŋɔ o be ŋɔ, “Menee Men. Kenii chɛ kɛ he ŋɔ ba be kɛŋɔ naate baa dɛ yerɔ, ‘Menee Men laanee tom mɛ he be.’ ”

Mumpar 48:3

Jekɔb ŋɔ Josef be ŋɔ, “Korowii Waa Ɛ Kpeɡri Bwa Dɔɔ la kpɔ o te baɡ mɛ Bɛtel baa bera dɛɛ yerɔ Lus, Keenan harɛ ta dɛ swee andɛɛɡa tɛ mɛ.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Mumpar 35:11

Dɛ berɛ ŋɔ, “Menee Korowii Maa Ɛ Kpeɡri Bwa Dɔɔ la. Hɛɛ yao dɛ́ warɛ kohona. He luɡe taa harɛre nɛra ɛɛ ba lee, ásɛ koranar le ba bini.

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Mumpar 22:14

Anomanta, o pa bela sɔn ‘Korowii Dɛɛ Tɛ.’ Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 28:3

Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

Kaala 15:3

Korowiirii yoa dɛɛ tɛ yaa, Korowiirii o sɔn.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.

Jeremia 16:21

Asɛ Korowii ŋɔ, “Gɛɛ a do tenaa, mɛɛ ɡeloo harɛre la nɛra na n kpeɡri ne n kan maa doa kohona, dɛ́ jemɛ kɛŋɔ menee Korowii aa chɛ kɛ bá tom mɛ.”

Jeremia 33:2

“Menee Korowii maa ta harɛ nɔ dɛ kwaaro cheɡ o chɔŋɛ kwaa ta dɛ do le. N sɔnee Korowii,

Ɛsekeɛl 20:5

dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.

Ɛsekeɛl 37:6

Mɛɛ ɡeloo dɛɛhne ba he nɛ, dɛ́ tɛ heyaa bo-ol, dɛ́ kpɔ tɔn bɔle, dɛ́ tɛ heyaa hweera hé dɔ mkpa. Ásɛ he jemɛ kɛŋɔ menee Korowii.’ ”

Ɛsekeɛl 37:13

N nɛra, maa ba pili he ŋwama dɛ́ lawɛ heyaa le a bini la, a taa hɛɛ ba jema kɛŋɔ menee Korowii.