Kaala 5:2 - mzwDBL

² Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Kaala 5:2 Referans Kwoze

Kaala 3:19

N jemɔ kɛŋɔ Ijipt kooro aa sɛh ŋɔ he kaa nemenɛ wekpeɡa ane aa puu mɔɔ.

Job Tɔn 21:15

Umee Korowii Waa Ɛ Kpeɡri Bwa Dɔɔ ya tomɔ wɔ? Bɔkwa tɔnɔɔ yaa ba dɔe le Korowii soŋa ta nɔ?’

2 Koranar 18:35

Harɛre nɔ voɡ besoo wona lɛ o harɛ le n be nɔ? Ɛrɛɛ Korowii ɛɛ ba wona lɛ Jerusalam ɔ?”

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Yela 14:1

Gɛnaa yon dɛɛ lii ba nyu bini kɛŋɔ Korowii toole, ba waa ta kasinteŋ dɔe, ba ɛ wechɔɡ-ɛɛra, bɛlbwa toole dɛɛ ɛ wedɛɛɡa.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

2 Webena 32:19

Ba bol waa yaɡɛ Korowii Jerusalam tena aa dɛ tomɔ, ɡɛ tenten baa bol harɛre ane voɡare nɛwɛnyini aa kpɔ nɔn ɛa la.

2 Webena 32:15

He bɛ ɡel Kooro Hɛsɛkea lɔ nepor ta he sie ta, dɛɛ neɡre heyaa ɡɛ. Harɛ bɛlbwa voɡ ta wone lɛ o harɛ le Asiiria koojen bɛlbwa nɔn ta bwa. He voɡ haa dɛ tomɔ nɔ laa dɛ́ won lɛ heya!”

1 Samoɛl 2:12

Dɛ sɔfo Eli bibaala nyu bini kpeɡri, baa Korowii ɔmɛ.

Kaala 7:17

Anomanta, o ŋɔ, “Anɔɔ hɛɛ ba kpɔe dɛ́ jemɛ kɛŋɔ onee Korowii. N dɛ ba daŋɡbala nɔ kpɔe lɔ nee nɔ sie, ásɛ o bwa berɛ chal.

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.

2 Webena 32:14

Harɛre nɔ voɡ besoo n naawa aa chɔɡa wona lɛ a nɛra le n be nɔ? Ɛrɛɛ voɡ haa dɛ tomɔ ɛɛ ba wona lɛ heyaa le n nɔn ta nɔ?

Nehemia 9:10

He ɛ nyokpowe-ɛɛla baɡle Ijipt kooro, ne o nomonome dɛ harɛ la tena bwa. Dɛkalkɛ he na ɡɛ baa fiiɡi he nɛra, dɛ lɛ sɔn o ta chɔ le ba le fini.

Jeremia 42:13

Kɛ dɛ he ŋɔ, ‘Yaa harɛ nɔ taa so,’ dɛ vɛh waa Korowii haa dɛ tomɔ nɔ nɛɛ teŋa,

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

1 Samoɛl 25:10

Belaa Nabal chaŋ ba ŋɔ, “Umee a ɡɛ Devid nɔɔ, Jese bie ɛ? O ɛ bonɔɔna baa chwaa dɛɛ le ba nomonome be tɔpera anɛ nɔ bini bɛl kɛɛ?

Job Tɔn 15:25

dɛkalkɛ banee nɛra baa ume nɔn dɛ pa Korowii Waa Ɛ Kpeɡri Bwa Dɔɔ nɛ, dɛ yo Korowii dɛ vɛoh la.

Job Tɔn 15:26

Ba deŋne kpeɡri dɛ kpɔ kwaa tɔ ba te ɡbemɡbe dɛ ka yo Korowii.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.