Kaala 4:13 - mzwDBL

¹³ Asɛ Mosis ŋɔ, “N Naa Korowii, n dɛ soŋe amɔ he fe tomɛ nɛnfale bɛl sɛ?”

Kaala 4:13 Referans Kwoze

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

Kaala 4:1

Anee Mosis chaŋe Korowii ŋɔ, “Dɛ ba ta men yaradae dɛ cheɡ deŋne no n be, dɛ ŋɔ he ta he te kpɔe baɡ mɛ naa, n ŋɔ ɛrɔɔ?”

Amanesoma Jɔn Aa Chwera Tɔn 6:29

Asɛ Yeesu chaŋ ba ŋɔ, “Gɛ Korowii aa dɛ nyin laanee kɛ nómɛlbwa yarada o Bibeŋkpoŋ waa tomɔ la, ásɛ dɛ kpɔ o te tɛo.”

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Jona 1:6

Nomoa waa dɛ nyiŋi stiimae la ta la, la Jona be dɛ ka na kɛŋɔ o chɔ dom kwaraa. Asɛ o chumu dɛ ŋɔ, “Bɔree he te dɔ dɛ chɔ aa? Ir, dɛ́ wi yerɛ he voɡ haa dɛ tomɔ, o ken ɛɛ na ya sumii, dɛ́ lɛ yaa le waa nɔ nyoa, ásɛ ya dɔ ya nyu.”

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.

Kaala 23:20

Hɛ́ɛ no, n dɛ tomɛ n nyundua torome ó tɔ he sie dɛɛ nyiŋi he nɛ, dɛ́ ba he ne bela maa kwaara tɛ heya.

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Kaala 4:12

Ir kaa, mɛɛ chae he bol wa, dɛ́ baɡle ɡɛ bwa haa bol.”

Kaala 4:14

Belaa Korowii baah di o nɛɛ kohona asɛ dɛ ŋɔ, “He dɔɔ baa dɛ yerɔ Arɔn o ɛ Lewi dea te la sɛ? N jemɔ kɛŋɔ o te ɛɛ won bol waa kɛrɛdɛ. Hale o lɔ ŋwɛnɛ ta taraken dɛɛ ba dɛ́ ba cheme. O balɔ ba nae naa, o sie ɛɛ lɛo taeh.

Mumpar 41:35

Gel ba lɛ boyu a ɡɛ bene la ta bwɛjena ta cheɡ he sɔn ta.