Kaala 39:43 - mzwDBL

⁴³ Mosis kaa na toma la, dɛ ba ɛa kɛrɛdɛ ɡɛ tenten Korowii aa do ba la, asɛ o soŋe andɛɛɡa Korowii be tɛɛ ba.

Kaala 39:43 Referans Kwoze

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

1 Koranar 8:14

Israel tena la bwa taa cheɡɛ Kooro Solomɔn sie bela la, o berɛ sie chaɡ ba, dɛ swee Korowii be andɛɛɡa tɛɛ ba.

2 Samoɛl 6:18

Kooro Devid aa kpoo kwaa dɛ fuh ɛ sarahare ne deŋnesɔɔhna sarahare tonɛ la, o soŋe andɛɛɡa Nemenɛ Korowii be tɛ nɛra la.

Yela 104:31

N dɛ soŋe kɛŋɔ, N Naa Korowii jirima do le saŋ bɛlbwa dɛɛ la! N dɛ soŋe kɛŋɔ, o sie lɛ kwaa waa taa la ta.

2 Webena 6:3

Israel tena la bwa ta aa cheɡɛ Kooro Solomɔn sie bela la, o berɛ sie chaɡ ba, dɛ swee Korowii be andɛɛɡa tɛɛ ba.

Josua 22:6

Asɛ Josua swee ba andɛɛɡa, dɛ ta ba ŋwɛnɛ ba kaa ba sobɔra.

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Mumpar 1:31

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Nehemia 11:2

Asɛ harɛ la ta tena jam nɛra baa le ba te cheɡ ŋɔ baa so Jerusalam la bwa.

1 Webena 16:2

Kooro Devid aa kpoo kwaa dɛ fuh ɛ sarahare, ne deŋnesɔɔhna sarahare tonɛ la, o soŋe andɛɛɡa Nemenɛ Korowii be tɛ nɛra la.

Kaala 40:25

asɛ dɛ kpɔ kandere la chɔŋɛ o ta Korowii sie ɡɛ waa doo la.

Kaala 39:42

Israel tena la ɛ toma la bwa ɡɛ tenten Korowii aa do Mosis la.

Kaala 40:1

Anee Korowii ŋɔ Mosis be ŋɔ,

Jeremia 13:5

Anomanta, n laŋɔ dɛ ka kpɔ do Yufretis Moo bwebɔɔ bini, ɡɛ Korowii aa ŋɔ n be la.

Kaala 7:6

Asɛ Mosis ne Arɔn ɛ ɡɛ Korowii aa bol ba be bwa.

Kaala 12:28

Asɛ ba la dɛ ka ɛ ɡɛ Korowii aa do Mosis ne Arɔn ŋɔ ba ɛ la.

Kaala 25:9

Gɛ maa baɡle heyaa hé ɛ Tɛnte Dea ne o dor ne o bini kwaara la, ɡɛ tentenee chɛ kɛŋɔ he ɛo.

Lewi Dea Tena 16:34

Mmarare nɔ chɛ kɛŋɔ hɛ́ɛ teŋɛ a ta saŋ bɛlbwa dɛɛ la. Bena bɛlbwa, kerabeŋkpoŋii chɛ kɛ bá soŋe Israel tena wechɔɡa bwa ń kpɔ kɛ ba.” Asɛ ba ɛ a bwa ɡɛ Korowii aa do Mosis ŋɔ ba ɛ la.

Josua 22:7

Dɛ Mosis dɔɔ tɛ Manasɛ dea pera tena la harɛ o do Basan harɛ ta, asɛ ba kabora la, Josua tɛ ba dɔɔranar ne nimanar ɡe harɛ Jɔɔdan Moo wee cholibɔr pera. Josua ta ba ŋwɛnɛ, dɛ swee ba andɛɛɡa baa kaa bela baa soɡa,

1 Koranar 6:38

Ba do Dea la dɛ tonɛ o wobɛlbwa, o kora dii bene fi dɛ beŋkpoŋ ta, korobinuatoro baa dɛ yerɔ Bul ta. Anomanta, bene anuanɛɛ Kooro Solomɔn kpɔ ma Dea la tonɛ.

1 Koranar 8:55

dɛ kpɔ takpeɡ swee andɛɛɡa tɛ Israel tena baa chema la bwa dɛ ŋɔ,