Kaala 34:1 - mzwDBL

¹ Korowii ŋɔ Mosis be ŋɔ, “Sɛh bwepɛle anɛ dɛ́ ɡel a do kɛŋɔ loɡla kwaa la, ásɛ n chwerɛ kwaa n fa aa chwera dawɛ anɔ la haa peɡra la dɔŋa dawɛ a ta.

Kaala 34:1 Referans Kwoze

Kaala 32:19

Belaa Mosis suuh tel bela baa soɡa la, asɛ dɛ na nabale la ne sae baa dɛ sa la, asɛ o baah di ba nɛɛ kohona. Anee o kpɔ bwepɛle anɛ la viɡri bwe la lɔɡa a bwa peɡri wɛjɛwɛjɛ ken.

Yela 119:89

N Naa Korowii, he waa lole saŋ bɛlbwa, a cheɡɔ kiŋkiŋ nyundua.

Kaala 31:18

Korowii aa bol waa chaɡle Mosis Sinai Bwejen ta tonɛ la, o kpɔ bwepɛle anɛ o ɡbabir aa kpɔ o nɔn ɛ o Mmarare dawɛ a ta la tɛo.

Kaala 34:28

Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Kaala 32:16

Korowii ɡbaɡbaa ɛ bwea la, dɛ chwerɛ o Mmarare la dawɛ a ta kɛrɛdɛ ken.

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Kaala 34:4

Asɛ Mosis sɛh bwea anɛ kɛŋɔ wubwa kwaa la ken, asɛ tɔ aa pera chɔmbibi la, o kpɔ teeh kaa bwejen la doa ɡɛ Korowii aa doo la.

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Jeremia 36:32

Anomanta, men Jeremia kpɔ tɔnfale tɛ Nɛrea bibaa Baruk waa ɛ n karake la. Asɛ o chwerɛ wobɛlbwa a fa aa lɔ loɡle tɔn la bini dɛ anɔ la bwa aa jaa n kpɔ tɛo la.