Kaala 32:12 - mzwDBL

¹² Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Kaala 32:12 Referans Kwoze

Mmarare 9:28

Gɛ laa aa, harɛ haa lawɛ yaa le o ta la nɛra ɛɛ ŋɔɔ, he ta wone kpɔ he nɛra kaa harɛ haa baɡ ba nyoa la ta, dɛ ka kpoo ba pua hɛŋle ɡbo harɛ la ta, haeh haa hah ba la wa.

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Sekaria 8:14

Koranar Bwa Kooro ŋɔ, “Gɛ he naawa fa aa ɡela n baah di n lii kɛŋɔ mɛɛ ɛɛ baa wechɔɡaa maa wola ba nɛɛ sune la,

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Emɔs 7:3

Anomanta, Korowii ɡelɔ. Dɛ ŋɔ, “Maa ɡela ba a chiɡ kpa.”

Ɛsekeɛl 20:22

Ate, n berɛ lawɛ bambile, dɛkalkɛ aa chɔɡ n sɔnee harɛre nɛra baa naa n lawɛ Israel tena le Ijipt harɛ ta, ba siwi ta la.

Ɛsekeɛl 20:14

Kɛ maa dɛ nyin n sɔndɛɛɡe nomanta, n ɡelɔ ásɛ harɛre ta nɛra baa lɔ bela dɛ na kɛŋɔ, n laɡ ba le Ijipt harɛ ta la bɛ n sɔnchɔɡe yerɛ.

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 85:3

He ta ɡelɛ he baah di ba nɛ, he laa he bandia kohona kpɔ ba nɛ.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 74:18

N Naa Korowii, na ɡɛ he dɔma aa dɛ mamɛ, na ɡɛ nɛra baa wola hen tomɛ aa dɛ ɛɛ nɛnhɛla.

Ɛsra 10:14

Hé ɡel ya nomonome so dɛ́ nyiŋi a ta tɛ ya bwɛɛla bwa, ásɛ nomɛlbwa waa mo a ɡɛ haahna nɔ bɛl la, bá yerɔ ó ba tɔpere baa doo ta, dɛ́ kpɔ nomonome ne nɛra baa bol waa dɛɛ pa bole harɛ waa soɡe o ta ja ba. Kenii dɛ́ ɡel waa nɔ Korowii baah aa di ya nɛɛ a waa nɔ le ya nɛ.”

Josua 7:26

Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mumpar 6:6

o bambile bini chɔɡɔ kɛ waa ta nɛwɛnyina ba harɛ nɔ ta. Gɛ waa nɔ aa we o nɛɛ kohona nomanta o ŋɔ,

Kaala 33:13

He sie lɛ n nɛɛ tenaa, baɡ mɛ he ŋwɛnɛre, ásɛ n jemɛ kɛrɛdɛ he sie ɛɛ lɛ n nɛ. Berɛ lii kɛŋɔ nɛra nɔ bwa ɛ he ɡbabir nɛra.”

Nɛra Kura 16:21

“Hé pere he te le ɡɛ nɛra nɔ nɛ, ásɛ n won kpoo ba, ba waa den tonɛ buɡ nɔ ta.”

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.

1 Koranar 8:51

Ya ɛ he nɛra, he kapɛrɛ diile haa kpɔ yaa le Ijipt harɛ ta yaa na bonyɛɡa kohona la.

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Nɛra Kura 14:19

Che he nyina waa kana kohona la ta, dɛ́ kpɔ nɛra nɔ wechɔɡa kɛ ba, ɡɛ haa kpɔa dɛɛ kɛ ba le saŋ baa le Ijipt harɛ ta dɛ ba le taraken nɔ la.”

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.