Kaala 3:11 - mzwDBL

¹¹ Anee Mosis ŋɔ Korowii be ŋɔ, “Umee n ɡe kɛŋɔ ń won la Ijipt kooro be dɛ́ ka ŋɔ ń kpɔ Israel tena le o harɛ ta bela ɔ?”

Kaala 3:11 Referans Kwoze

1 Samoɛl 18:18

Ate, Devid ŋɔ o be ŋɔ, “Umee n ɡeɔ? Israel dejen besoo taa n le dɛ́ ɛ kooro hela ɔ?”

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Kaala 6:12

Asɛ Mosis ŋɔ Korowii be ŋɔ, “Israel tena ɡba aa wola a mun noɛ nɔ, ɛrɛɛ kooro te ɛɛ ba a mun noe yɔ? N nyoa aa kpɛlɛ ń won bol waa á do som.”

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

2 Kɔrent 2:16

Banɔ la baa dɛ nyoɡre la ɛɛ no sɔɔh laanee dɛ́ serewe, ásɛ banɔ la Korowii aa dɛ lɛɛ ba la ɡe no dɛ́ dɔ mkpa. Umee dɛ won ɛ ɡɛ toma nɔɔ?

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

1 Koranar 3:7

N Naa Korowii maa dɛ tomɛ, he ɡelɔ men maa ɛ he bonɔɔ chiɡ n mɛɛ naa ta dɛɛ di kora. Kɛ n nɔn ta kao, maa n sie ne habɔɔ jemɛ.

2 Samoɛl 7:18

Belaa Kooro Devid ka jo Korowii Dea Cheremibɔr waa baŋro la bini, dɛ ka so Korowii sie dɛ ŋɔ, “Nemenɛ Korowii, umee n ɡe ne n lolanar, asɛ he ɛ ɡɛ waa nɔ dɔŋa bwa tɛ mɛ ken nɔɔ?

Sitɔɔla 6:15

Asɛ Gedeɔn chaŋe ŋɔ, “N Naa Korowii, ɛrɛɛ mɛɛ ba ɛɛ dɛ́ won lɛɛ baɔ? Manasɛ dea tena bini la, n dem nɛraa ɡwɛɡra, asɛ n lolanar ɡe be pera la, n toole wobɛlbwa bini.”

1 Webena 29:14

Menee ume, n ne n nɛra nɔ bwa, kɛŋɔ ya ɡe won dɔ kwaa nɔ bwa dɔŋa ŋɔ ya kpɔɔ dɛɛ kɛɛ nɔ? Anɔ bwa yaa dɔa le he be laanee ya berɛ kpɔ baa tɛɛ la.