Kaala 3:1 - mzwDBL

¹ Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 3:1 Referans Kwoze

1 Koranar 19:8

Asɛ o ir di kwaa la, dɛ nyɔ ne. Kondikwaa la chao dɛ tɛo bokpeɡa o won valɛ tɔpera fifraanaarɛ chɔɔ ne jwaana, dɛ kaa Korowii Sinai Bwejen waa do ɡoroŋ la bɔr.

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Nɛra Kura 10:29

Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Sitɔɔla 4:11

Dɛ baa bɛl sɔne Heba dɛ ɛ Ken te. O le o nɛra bini dɛ ka baŋre o tɛnte dea dajen bɛl waa cheɡɛ Saananim dɛ bɛne Kedes mun. Ken tena nɔ ɛ Mosis menchoro Hobab naanar.

Kaala 19:11

dɛɛ kpa tɔpetooro wee la ta, dɛkalkɛ awolaa men Korowii ɡbaɡba ɛɛ ba Sinai Bwejen ta bala nɛra bwa siwi ta.

Amanesoma Luk Aa Chwera Tɔn 2:8

A ɡɛ saŋ la, dɛ peteɡra bane teɡɛ ba peera kaa dibɔr, asɛ bɔr jo, asɛ ba chɔ bela dɛɛ daah ba peera la.

Yela 106:19

Ba kpɔ suuɡaswɛm ɛ nabale Sinai Bwejen ta, dɛɛ tomɔ kɛ voɡ ken.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Mmarare 1:6

O ŋɔ, “Gɛ saŋ ya fa aa lɔ Sinai Bwejen ta la, Korowii yaa dɛ tomɔ ŋɔ, ‘He soɡe bwejen nɔ ta biɡri.

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

Kaala 19:3

Anee Mosis teeh la Korowii be bwe la doa. Asɛ Korowii yerɔ bwe la doa ŋɔ ó ka ŋɔ Israel tena baa ɛ Jekɔb naanar be ŋɔ,

Kaala 3:5

Anee Korowii ŋɔ, “Bɛ suuh tel. Foo he naŋɡawa, dɛkalkɛ bela haa cheɡa la ɛ boɡoroŋ.

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Kaala 4:27

Anee Korowii ŋɔ Arɔn be ŋɔ, “Ir la pua hɛŋle ɡbo harɛ ta, dɛ́ ka cheme Mosis.” Asɛ o ir dɛ la ka chemo Korowii bwe waa do ɡoroŋ ta dɛ jaamo.

Kaala 2:21

Ba kaa yerɛ Mosis ó ba, waa bala la o sie baa lɛ kɛŋɔ wɛɛ so ba bee. O ne baa soɡa la sie tama la, sɔfo Jetro lawɛ o bihaah Sepora tɛo o mo.

Kaala 2:18

Bihaahna la aa bera la dem ba mɛɛ be la, o bɔɔ ba ŋɔ, “Ɛrɛɛ fini te he ba warane ken?”

We-ɛɛla 7:30

Bene fifraanaarɛ aa baa ɡale Mosis nyu ta bela la, o la pua hɛŋle ɡbo harɛ bɛl ta, Sinai Bwejen la bɔr, dɛ ka na nyundua torome bela. Dɛ dawii ane aa dɛ lawɛ baahnee nyundua torome la che.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Kaala 4:18

Belaa Mosis berɛ kaa o helabaa Jetro be dɛ ka ŋɔ o be ŋɔ, “N dɛ soŋe, ɡel ń berɛ kaa n lolanar be Ijipt dɛ́ ka na kɛŋɔ ba ta lole kɛɛ.” Anee o sɛh dɛ tao ŋwɛnɛ deŋnesɔɔhna ta o kaa.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 19:2

Baa le Refidim la, ba baa tel Sinai Bwejen ta, pua hɛŋle ɡbo harɛ ta. Asɛ ba baŋre ba tɛnte deene bwe la bɔr bela.

Kaala 33:6

Anomanta, Sinai Bwejen taa Israel tena tel dɛ laa suuɡaswɛm kwaa baa doa la foo bil.

Mmarare 1:2

Le Sinai Bwejen ta dɛ́ fɛrɛ Sɛɛ Bwejen la dɛ́ kaa Kades Baanea ɛɛ ɛ tɔpera fi dɛ beŋkpoŋ ŋwɛnɛɛ.

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

1 Samoɛl 16:11

Samoɛl bɔɔ Jese ŋɔ, “He bibaala haa dɔa bwaa nɔ naa?” Anee o chaŋo ŋɔ, “Ba bini bechala ta lole, kɛ o dɛ teɡɛ peera.” Anee Samoɛl ŋɔ, “Tomɛ bá ka yerɔ ba. O ta balaa, ya ta saraha la ɛɛ.”

1 Koranar 19:19

Ate, Elaeja le bela dɛɛ kaa, waa dɛ kaa la, o kaa na Safat bibaa Elaesa ne nɛra baa kpɔ daa dawɛ nae nɛɛ aa parɛ. Dɛ a lɔ bele fi dɛ anɛ, asɛ o teŋɛ fi dɛ anɛ te la nɛ. Asɛ Elaeja la Elaesa be dɛ ka foo o batakaare ta o nɛ.