Kaala 28:9 - mzwDBL

⁹ Kpɔ onis bwedɛɛɡa a yoɡ aa kpeɡa anɛ, ásɛ dɛ chwerɛ Jekɔb bibaala sɔna dawɛ a ta.

Kaala 28:9 Referans Kwoze

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Aesaya 49:16

Jerusalam, n chwerɛ he sɔn do n nɔmpaala bini, he waa dawɛ n bambile ta saŋ bɛlbwa.

Yelsom 8:6

Gel n ɡbo waa do he bambile ta saŋ bɛlbwa kɛŋɔ haa kpɔ baŋe do he nɔn ta, dɛkalkɛ ɡɛ seo aa wola jaɡa dɔe la, ɡɛɛ n ne he dɔŋa nyina do. Baa ne haah meera kpeɡri kɛŋɔ seo, a won nii lawa kɛŋɔ nijena ken.

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

2 Webena 2:7

Anomanta, tɛ mɛ nɛn waa dɔ wejema, dɛ́ won di ɡwine dawɛ suuɡaswɛm kɛɛ suuɡapoŋ kɛɛ ayaawa dɛ bune ta, dɛ́ berɛ won kpɔ jiseburum ne jisekɔl, dɛ onswɛm sɔh yal. Wɛɛ ba ja Juda ne Jerusalam nɛra baa dɔ kwaa sɛɛh wejema n mɛɛ Kooro Devid lee ba la nɛɛ baa ɛ toma.

Kaala 39:13

naarɛte la ɛ solmen waa dɛ nyɛɡle kresolet, ne bwelwɛɛ onis dɛ bwelwɛɛ waa dɛ nyɛɡle jasepa. Ba cheɡa suuɡaswɛm kwaa ta a lawa kpoŋe.

Kaala 39:6

Ba cheɡ onis bwedɛɛɡa la suuɡaswɛm kwaa ta a lawa kpoŋe, dɛ ɛ Jekɔb bibaala sɔna dawɛ a ta. Nɛn waa dɔ a ɡɛ wejemaa ɛa.

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Kaala 28:20

Naarɛte la ɛ bwe waa ɛ solmen dɛɛ nyɛɡle baa yerɔ kresolet, ne bwelwɛɛ onis dɛ bwelwɛɛ waa dɛ nyɛɡle baa yerɔ jasepa. Cheɡa suuɡaswɛm kwaa la ta á lawa kpoŋe.

Mumpar 2:12

Suuɡaswɛm tenten ne bwedɛɛɡa a yoɡ aa kpeɡa, ne konsɔɔhsoma a sɔɔh aa soma lɔ bela.

Kaala 28:8

O batakaare nyunduabɔr la chɛ kɛ ó do kɛ batakaare la ɡbaɡba bá nyara pɛ. Nɛn waa dɔ kwaa nyara wejema la kpɔ suuɡaswɛm ne jiseburum ne jisekɔl ne jiseswɛm dɛ jisepondɛɛɡe la ɛo.

Kaala 28:10

Gɛ baa teŋɛ dɔŋa nɛɛ lola binii chɛ kɛŋɔ he chwera dawɛ. Banumɛl sɔna dɛ do beŋkpoŋ ta, ásɛ banumɛl ɡe sɔna do bɛl ɡe ta.

Kaala 25:7

ne bwedɛɛɡa ane baa dɛ yera onis, ne anɔ la baa kpɔ dawɛ Sɔfonomoa batakaarebora efɔd la vaama ta, dɛ kon waa dawɛ o bambile ta la ta.

Kaala 31:5

Bwedɛɛɡa sɛɛh dɛ́ cheɡa suuɡaswɛm ta, ne daa kpɔe dɛ́ sɛh koŋkwaa dɛ anɔ la aa do ken bwa soo siwi.

1 Webena 29:2

N takapɔ nyin laala baa kpɔ do Korowii maa dɛ tomɔ Dea la. N dɔ suuɡaswɛm ne suuɡapoŋa ne ayaawa ne bune ne daa, ne bwedɛɛɡa ane a yoɡ aa kpeɡa baa yera onis ne tɛɛkoes, dɛ bwea bwa soo siwi, a warɔ kɛrɛdɛ.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.