Kaala 28:11 - mzwDBL

¹¹ Gɛ nɛn waa dɔ a wejema aa dɛ ɛa laanee chɛ kɛ he ɛ Israel bii sɔna la dawɛ bwe la ta. Ásɛ dɛ kpɔ cheɡ suuɡaswɛm kwaa ta a lawa kpoŋe,

Kaala 28:11 Referans Kwoze

Wepila 7:2

Asɛ n berɛ na nyundua torome bɛl o le wee leebɔr dɛɛ ba, dɛ kpoŋe kon Korowii waa lole saŋ bɛlbwa aa kpɔa dɛɛ do o kwaa nso la. O kpɔ takpeɡ ŋɔ nyundua toroma banaarɛ la baa tɛɛ ba kpeɡri kɛŋɔ bá chɔɡ harɛ ne mpo la be ŋɔ,

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

Sekaria 3:9

Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.

Jeremia 22:24

Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Kaala 39:18

Dɛ berɛ kpɔ jɔɡrɔre la nyoo anɛ la kar ɡe ba lawɛ bwea cheɡbɔra anɛ aa lɔ batakaarebora efɔd vaama ta, dɛ ba o sie la ta.

Kaala 39:13

naarɛte la ɛ solmen waa dɛ nyɛɡle kresolet, ne bwelwɛɛ onis dɛ bwelwɛɛ waa dɛ nyɛɡle jasepa. Ba cheɡa suuɡaswɛm kwaa ta a lawa kpoŋe.

Kaala 39:6

Ba cheɡ onis bwedɛɛɡa la suuɡaswɛm kwaa ta a lawa kpoŋe, dɛ ɛ Jekɔb bibaala sɔna dawɛ a ta. Nɛn waa dɔ a ɡɛ wejemaa ɛa.

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Kaala 28:25

ásɛ dɛ kpɔ jɔɡrɔre la nyoo kar la ɡe lawɛ cheɡbɔra anɛ la ta, ɡɛ aa ɛ ó lawɛ batakaarebora efɔd la vaama ta dɛɛ ba o siebɔr.

Kaala 28:21

A bwa ɛ bwea fi dɛ anɛ, beŋkpoŋ che tɛ Jekɔb bibaala la bɛlbwa. Ɛ bɛlbwa sɔn dawɛ ó che tɛ o dea.

Kaala 28:10

Gɛ baa teŋɛ dɔŋa nɛɛ lola binii chɛ kɛŋɔ he chwera dawɛ. Banumɛl sɔna dɛ do beŋkpoŋ ta, ásɛ banumɛl ɡe sɔna do bɛl ɡe ta.

Kaala 28:12

dɛ́ lawa pɛ o batakaare la vam nyuune ta dɛ́ che tɛ Israel deene. Gɛɛ sɔna nɔ ɛɛ ba Arɔn vaama ta dawa men Korowii sie, ń kpɔ dɛɛ lii ba wa.

Job Tɔn 19:24

kɛɛ ba fee kpɔ buni ɛa dawɛ bwe ta, á do le saŋ bɛlbwa.