Kaala 27:21 - mzwDBL

²¹ N Dea Cheremibɔr pateesan waa lɔ N Ne Nɛwɛnyina Fɔo Daka la habɔɔ la, Arɔn ne o bibaalaa chɛ kɛŋɔ bá nyiŋi kandere la ta aa hɔ Korowii sie le jɔmɔra ba le chɔɔ bwa. Gɛ waa nɔ chɛ kɛ á ɛ Mmara dɛ́ chɔ le tɛ Israel tena ne ba naanar baa ka ba bwa.”

Kaala 27:21 Referans Kwoze

Nɛra Kura 19:21

Mmara nɔ chɔ le tɛɛ ba saŋ bɛlbwa. Naate waa ɛ nee la dɛɛ merɛ la ɡe chɛ kɛ ó chɛɡɛ o laala. Nomɛlbwa waa leɡe nee la ɡba ɡe kah doŋa ka tel jɔmɔra.

Nɛra Kura 18:23

Lewi dea tenaa chɛ kɛŋɔ báa ɛ n Dea Cheremibɔr bela toma, ásɛ dɛ toma ane ta aŋwɛnɛ ta kpɔe yaa, banee dɛ́ dɔ a deŋnetɛra le n be. A ɡɛ waa nɔ ɛɛ chɔ lee dɛɛ la, hale naanar baa ka ba bwa bini. Ba te ta kapɛrɛ bɛlbwa dɔe Israel tena bini.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

1 Samoɛl 3:3

Dɛ kandea waa lɔ Korowii Dea Boɡoroŋ la ta dɛ chaah, asɛ Samoɛl chɔ bela Korowii Ne Nɛwɛnyina Fɔo Daka la aa cheɡa.

Lewi Dea Tena 16:34

Mmarare nɔ chɛ kɛŋɔ hɛ́ɛ teŋɛ a ta saŋ bɛlbwa dɛɛ la. Bena bɛlbwa, kerabeŋkpoŋii chɛ kɛ bá soŋe Israel tena wechɔɡa bwa ń kpɔ kɛ ba.” Asɛ ba ɛ a bwa ɡɛ Korowii aa do Mosis ŋɔ ba ɛ la.

Lewi Dea Tena 3:17

A ɛ Mmara dɛ́ chɔ le tɛ he ne he naanar baa ka ba bwa. Bobɛlbwa haa lole bwa, a ta chɛ kɛŋɔ hé di ol noo kɛɛ o chal.”

Kaala 30:8

A chɛ kɛ ó berɛ ɛ ɡɛ tenten jɔmɔra bɛlbwa waa baa choŋi kandere la, ásɛ daawiile la ɛɛ fuh tɔperee te bwa men Korowii sie, ka tel ba naanar baa ka ba nɛ.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

1 Samoɛl 30:25

Devid ɛ ɡɛ waa nɔ mmara dɛ tɛ Israel tena, a ta do le ba le fini.

Kaala 28:43

Arɔn ne o bibaala chɛ kɛŋɔ báa do laala nɔ saŋ bɛlbwa baa jo n Dea Cheremibɔr bela, kɛɛ dɛ la kon baa dɛ ɛ saraha o ta dɛ́ ka tomɛ Boɡoroŋ bela, dɛ bɛ bolchɔɡe ba di dɛ́ serewe. Gɛ waa nɔɔ chɛ kɛ á chɔ le tɛ Arɔn ne o naanar saŋ bɛlbwa.”

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Amanesoma Luk Aa Chwera Tɔn 12:35

Hé kpɔ he te dɛɛ kpa toma ɛɛ. Hé kpɔ he te dɛ́ ɡel he kandere ɛɛ hɔ,

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Yela 134:1

Hé kpɛɛ Korowii, hé nɛra haa ɛ o bonɔɔna bwa, hé banɔ la haa dɛ tomɔ o Dea jwaana.

Nɛra Kura 8:9

Yerɛ Israel tena la bwa cheme, dɛ́ ɡel Lewi dea tena la ba che n Dea Cheremibɔr la sie.

Lewi Dea Tena 24:9

Paanoo la ɛ Arɔn ne o bibaala kwa aa chɛ kɛ bá dia bela waa do ɡoroŋ, dɛkalkɛ paanoo laanee ɛ saraha kwaa aa do ɡoroŋ kohona, dɛ le saraha kwaa baa fuah dɛɛ tɛ Korowii dɛ ɛ Arɔn ne o bibaala dibɔr la ta.

Lewi Dea Tena 24:3

Arɔn chɛ kɛ o che pateesan la sie Korowii Dea Cheremibɔr la bini, Korowii Ne Nɛwɛnyina Fɔo Daka la habɔɔ bela dɛɛ nyiŋi a ta. Aa che n sie bela jɔmɔraa dɛɛ hɔ tɔɔ ba per chɔɔ saŋ bɛlbwa. A ɛ waa aa chɔ le tɛ he ne he naanar baa ka ba bwa.

Lewi Dea Tena 3:8

dɛ́ kpɔ nɔn dawɛ o nyu ta, dɛ́ teŋe o baŋa n Dea Cheremibɔr la doonyoa bɔr bela. Ásɛ Arɔn bibaala la ɛ chal la merɛ saraha kon la baŋne anaarɛ la bwa ta.

Kaala 40:3

Kpɔ N Ne Nɛwɛnyina Fɔo Daka la cheɡ o bini dɛ́ kpɔ pateesan saɡɛ o sie.

Kaala 30:36

Namɛ ane a kper mohooh ken, dɛ́ kpɔ cheɡ n Dea Cheremibɔr, ásɛ dɛ kpɔ merɛ N Ne Nɛwɛnyina Fɔo Daka la sie. Á ɛ kwaa aa do ɡoroŋ kohona tɛ heya.

Kaala 29:44

Gɛɛ mɛɛ ba ɛɛ n Dea Cheremibɔr la ne saraha kon la do ɡoroŋ, dɛ́ ɛ Arɔn ne o bibaala ɡe ba do ɡoroŋ dɛ́ ɛ sɔfore dɛ́ɛ tom mɛ.

Kaala 29:42

Gɛɛ dɛ chɔ le tɛ naanar baa ka ba la baa fuh a ɡɛ saraha kwaa nɔ tɔperee bwa n Dea Cheremibɔr doonyoa bela men Korowii sie. Belaa mɛɛ ba heyaa chema, dɛ́ bol waa he be.

Kaala 29:28

Anee ɛ dibɔra aa chɛ kɛŋɔ saŋ bɛlbwa Israel tena kpɔ baa tɛ Arɔn ne o bibaala. A ɛ bɔra aa chɛ kɛŋɔ bá kpɔ ba tɛ men Korowii dɛ le deŋnesɔɔhna saraha kwaa ta.

Kaala 25:16

Ásɛ he kpɔ bwepɛle anɛ me Mmarare la aa dawɛ a ta mɛɛ ba kpɔe tɛɛ la, do Daka la bini.

Kaala 16:34

Arɔn kpɔ maana la cheɡ Korowii Ne Nɛwɛnyina Fɔo Daka la sie, asɛ ba kwaa cheɡ ɡɛ Korowii aa do Mosis la.

Mumpar 1:8

Asɛ o pa bɔr waa chɔ a baah ta la sɔn . Asɛ bɔr jo dɛ chaah. Onee tɔpere waa teŋa nɛɛ.

Mumpar 1:5

dɛ pa bochaah la sɔn asɛ dɛ pa biro la ɡe sɔn . Asɛ bɔr jo dɛ chaah. Onee tɔpere waa tɔ sie.

Lewi Dea Tena 24:2

bá kpɔ ɔleve nodɛɛɡa baa harama kɛrɛdɛ ba tɛo ó kpɔ dɛɛ do kandea daa la bini, ásɛ o kandere che le dɛɛ hɔ dɛ bɛ dime bwa.

Nɛra Kura 18:5

He ɡbabir chɛ kɛŋɔ hé nyiŋi Boɡoroŋ la ne kon baa dɛ ɛ saraha o ta la ta, ásɛ n baah bɛ Israel tena la nɛɛ ba di kpa.

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 30:21

bá sarame ba nɔɔra ne naa mɔɔ dɛ bɛ ba sewɛ. Gɛ waa nɔ ɛ waa aa chɔ le tɛ Arɔn ne o naanar baa ka ba bwa.”

Lewi Dea Tena 6:15

Sɔfo la bɛl ɛ men baa nama a kper kɛrɛdɛ noo ja a ta nɔndel, dɛ́ kpɔ daawiile a sɔɔh aa soma dawɛ mea saraha kwaa la bwa ta, dɛ́ fuah saraha kon la ta, á baɡle kɛŋɔ a bwa ɛ n kwa a sɔɔh ɛɛ do men Korowii som.

Lewi Dea Tena 7:36

Awola tenten baa fuɡe noo do ba nyuune ta laanee Korowii ŋɔ Israel tena be ŋɔ bá kpɔ ɡɛ bɔra la dɛɛ tɛɛ ba. A ɛ waa aa chɛ kɛŋɔ á chɔ le saŋ bɛlbwa dɛɛ la, ba naanar baa ka ba te bwa bini.

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Lewi Dea Tena 17:7

A ta chɛ kɛ Israel tena vɛh men Korowii toma, dɛ́ ka ɛ saraha tɛ voɡa dɛɛ toma. Gɛ Mmara nɔ chɛ kɛ á chɔ le tɛ ba ne ba naanar baa ka ba bwa.

Lewi Dea Tena 23:14

He bɛ paanoo bɛlbwa kɛɛ mefala anwɔɔra kɛɛ aŋhuuhne chwe, nemenɛ awola tenten haa ɛ saraha nɔ ba tɛ men Korowii haa dɛ tom mɛ la mɔɔ. Gɛ waa nɔɔ chɛ kɛ á chɔ le tɛ he ne he naanar baa ka ba bwa, bobɛlbwa haa soɡa.

Lewi Dea Tena 23:21

Awola tɔpere la chɛ kɛ hé ɡel he tomare bwa bil, dɛ́ cheme dɛ́ tom mɛ. A chɛ kɛ á ɛ waa aa chɔ le tɛ he ne he naanar baa ka ba bobɛlbwa haa soɡa.

Nɛra Kura 35:29

A ɡɛ Mmara la ɛ nɛŋkpoa waa dɛ chɔ tɛ heya bela haa soɡa, dɛ́ ka tel he naanar baa ka ba bwa.