36 Korowii Tɛnte Dea doonyoa bela la, kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ́ ɡel nɛn waa dɔ kwaa sɔeh wejema ɛ kwaa dawɛ o ta, dɛ́ kpɔ saɡɛ o ta.
Korowii Tɛnte Dea doonyoa bela la, ba kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ ɡel nɛn waa dɔ kwaa sɔeh wejema ɛ kwaa dawɛ o ta,
Awola tɔpere baa tonɛ Korowii Tɛnte Dea waa ɛ o Dea Cheremibɔr dɛ cheɡ o koŋkwaa bwa la, bam baa tɔ o bwa. Dɛ o baa tɔ le jɔmɔra ka tel tɔɔ aa pera chɔɔbɔr aa, dɛ o do kɛŋɔ nii ken.
Ba kpɔ Korowii Tɛnte Dea laala baa kwaara la bwa ba Mosis sie. Anee kɛŋɔ, Korowii Tɛnte Dea la ne o koŋkwaa baa kpɔ kwaa o bini, ne kwaa baa doa tora a sie chaɡɛ dɔŋa, ne daa ne doli bwa soo siwi, dɛ dachiɡri ne a loɡa,
Anee kɛŋɔ Korowii Tɛnte Dea, ne bela waa do ɡoroŋ, ne yale baa kpɔ bɔlo, ne kwaa baa doa tora a sie chaɡɛ dɔŋa, ne daa ne doli bwa soo siwi, dɛ dachiɡri ne a loɡa,
Dembaah doonyoa bela la chɛ kɛ ó dɔ pateesan o jaŋne aa ɛ naɡale fifraatoro, bá kpɔ jiseburum ne jisekɔl ne jiseswɛm dɛ jisepondɛɛɡe sɔɔh. Ásɛ nɛn waa dɔ kwaa nyara wejema ɛa dawɛ a ta, ásɛ dɛ dɔ dachiɡri anaarɛ loɡa anaarɛ do a mune ta.
O kpɔ jiseburum ne jisekɔl ne jiseswɛm ne jisepondɛɛɡe sɔh pateesan do dembaah doonyoa la ta. Dɛ nyarɛ do a ta kɛŋɔ nɛn waa dɔ a wejema aa dɛ ɛa la. O jaŋne lɔ naɡale fifraatoro asɛ o paɡri ɡe ɛ naɡale anuanɛ ne tama, kɛŋɔ dembaah la pateesanre paɡri aa doa la.
Ɛ kon waa dawɛ Sɔfonomoa la bambile ta, ó kpɔ dɛɛ jemɛ waa aa wera dɛɛ le Korowii be, nɛn waa dɔ o wejemaa chɛ kɛ ó ɛo. Ɛo kɛŋɔ batakaarebora efɔd la siwi baa kpɔ suuɡaswɛm ne jiseburum ne jisekɔl ne jiseswɛm dɛ jisepondɛɛɡe sɔɔh la ken.
ne kon baa ba dɛ fuh daawiile o ta, ne daa baa kpɔ dɛɛ cheo, ne noo baa kpɔa dɛɛ do nɛn sɔfore ta, ne daawiile a sɔɔh aa soma kohona, dɛ pateesan wáa saɡɛ Korowii Tɛnte Dea doonyoa,