Kaala 23:8 - mzwDBL

⁸ He bɛ nɛn sen dɛɛ yawɛ, nɛn sen yawa dɛ tɔ nɛra baa dɛ bol waa la sie, dɛɛ ɡole nɛn o wa aa toɡra waa sie.

Kaala 23:8 Referans Kwoze

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.

Wejereme 7:7

He ɛ wejereme dɛɛ faah nɛra aa, he do kɛŋɔ ɡɛne. He sɛoh baa yawɛ sen ɡe aa, nɛnchɔɡee hɛɛ ɛ.

Sɛɡla 17:8

Nɛn waa dɛ yawɛ nomɛl sen la, dɛ lii kɛŋɔ a ɛ ŋwɛnɛ bɛl waa kpɔ o ta dɛ vɔrɔwo. O dɛ lii kɛ ɡɛɛ dɛ́ ɡel o wobɛlbwa do wer tɛo.

Yela 26:10

ba bee wechɔɡa vɔrɔwa bwa le, dɛ ɡel baa yaɡ ba sen tɔpere bɛlbwa.

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Sɛɡla 19:4

Dɔɔh daamanaree dɛɛ warɛ, nyaa daamanaree yon chwao.

Hosia 4:18

Ba nyɔ sen tonaa, ba ka dɛ bɔ ba jwamane la ja. Ba sie dɛ lɛ sihihwaa ta ɡwaa anɔ la aa tɛɛ ba jirima.

Aesaya 1:13

He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 5:22

Hé bwɛɛlɛ, he banɔ la haa dɛ yerɛ he te baala sen nyɔe ta, he baah su haa wola sen baa kpɔa koo dɔŋa nyɔe ɔmɛ la.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.