Kaala 22:7 - mzwDBL

⁷ Dɛ nomɛl kpɔ suuɡapoŋa kɛɛ laala ane tɛ o dɔŋ ŋɔ o cheɡ, asɛ a ba kɛŋɔ ba ŋwɛa asɛ ba lawɛ ŋwɛɛ la aa, ó bɔ a bele anɛ.

Kaala 22:7 Referans Kwoze

Kaala 22:4

Dɛ kon waa ŋwɛa la ɛ kondɛɛre o ta sewɛ mɔɔ naa, nabal kɛɛ keeɡo kɛɛ dɛ pee kwaraa yoo, a chɛ kɛ ó bɔ bele anɛ.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

Amanesoma Jɔn Aa Chwera Tɔn 12:6

Menɛkɛsɛ ŋɔ nyaara waa hiaoh waa o ŋɔ ɡɛ la. Waa ɛ ŋwɛɛ waa o ŋɔ ɡɛ. Dɛ onee dɛɛ kpoŋe ba suuɡa, asɛ dɛ yon ŋwɛ ane dɛɛ di.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Kaala 22:6

Dɛ nɛn do nii o koo ta asɛ a fuh ka jo nomɛl koo ta, dɛ fuh mea baa koma bil kɛɛ anɔ la a taa cheɡa kɛɛ dɛ koo la bwa sekwaraa naa, nɛn waa do nii la chɛ kɛŋɔ ó bɔ a bwa kem.

Lewi Dea Tena 6:1

Korowii berɔ ŋɔ Mosis be ŋɔ,

Lewi Dea Tena 6:2

“Dɛ nomɛl kpɔ komɛl tɛ o dɔŋ ŋɔ o kpɔ cheɡ, asɛ naate neɡro dɛ kpɔ berɛ o kon kɛɛ dɛ ŋwɛo, kɛɛ dɛ faahro waa, o ɛ wechɔɡa dɛ jo n nɛ.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Lewi Dea Tena 6:5

kɛɛ waane waa ŋwɛɛ a ta pɛɛpɛɛ. Awola waa kpɔ o bolchɔɡe dii saraha ka tɛ sɔfo la, a chɛ kɛ o berɛ kwaa la bwa tɛ naate, dɛ́ bɔne anɔ la waa bera tɛ la dɔŋa bini anue, dɛ́ bɔ bɔrbeŋkpoŋ ja a ta.