Kaala 22:21 - mzwDBL

²¹ Hɛ́ɛ berɛ nɛŋhɔɔh hɔhɔrɔwa doe kɛɛ dɛɛ fiiɡu, dɛkalkɛ he ɡe fa ɛ hɔɔhra Ijipt harɛ ta ka.

Kaala 22:21 Referans Kwoze

Mmarare 10:19

Anomanta, hé ɡe nyin hɔɔhra wa, dɛkalkɛŋɔ he ɡe fa ɛ hɔɔhra Ijipt harɛ ta ka.

Kaala 23:9

He bɛ nɛŋhɔɔhra hɔhɔrɔwa dɛɛ ɛ. He ɡbabir jemɛ ɡɛ hɔɔh wa aa doa, dɛkalkɛ dɛ ɡɛɛ he faa ɛ nɛŋhɔɔhra Ijipt harɛ ta.

Lewi Dea Tena 19:33

Hɛ́ɛ berɛ nɛŋhɔɔhra baa soɡe he harɛ ta hɔhɔrɔwa dɛɛ ɛ.

Sekaria 7:10

He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Mmarare 23:7

He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.

Lewi Dea Tena 25:35

He dɔŋ Israel te soɡe he baah dɛ nya o ta suuɡa dɔe dɛ́ cha o te naa, hé chao kɛŋɔ haa cha hɔɔh he ne waa soɡa, ɡɛ aa ɛ ásɛ o ta won so he baah ta.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Mmarare 15:15

Hé lii kɛŋɔ he fa di somanjiri Ijipt harɛ ta, asɛ Korowii lɛ heyaa le a ta. A waa mɛɛ do heyaa waa nɔ ta fini la.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Mmarare 1:16

Dɛ ŋɔ ɡɛ sitɔɔla la be ŋɔ, ‘Hé no waa aa ba he baah ta kɛrɛdɛ dɛ́ bola a toɡre, hale dɛ he Israel tena ɡbaɡba baah taa yoo, dɛ hɔɔhra he ne baa pɛa baah taa yoo,

Mmarare 23:16

O dɔ ŋwɛnɛ kɛŋɔ ó so he bwɛɛre la bɛlbwa waa dɛ nyin ta. Kɛ bɛ on fiiɡi.

Mmarare 27:19

Bá berɛ ŋɔ, ‘Nomɛlbwa waa wola hɔɔhra kɛɛ bilalbii kɛɛ luhaahna waa bolɛ tɛɛ ba aŋwɛnɛ ta la, Kórowii taahno.’ Israel tena la bwa chaŋe ŋɔ, ‘Aamen!’

Yela 146:9

O kpɔ nɔn dɛɛ tɔ hɔɔhra baa soɡe ya harɛ ta nɛ, dɛɛ cha luhaahna ne bilalbii. Kɛ nɛnchɔɡa te, o dɛ chɔɡ vɔrɔwa baa dɛ vɔrɔwe.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Mmarare 10:18

O dɛ nyiŋi bilalbii ne luhaahna kɛrɛdɛ dɛɛ nyin nɛŋhɔɔhra ɡe ba kondikwaa dii ne ba yale tɔe bini.

Mmarare 24:17

Hé bol waa kasinteŋ dɛɛ tɛ nɛŋhɔɔhra ne bilalbii. He bɛ luhaahna yale lɛ dɛ́ɛ cheɡ awɔba.

Job Tɔn 6:27

Hɛɛ won ta bie bilalbii waa kwara! Dɛ yoɡ he daamanar dɛ́ dɔ suuɡa.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.