Kaala 22:1 - mzwDBL

¹ Korowii berɔ ŋɔ Mosis be ŋɔ, “Dɛ nomɛlbwa ŋwɛ nao kɛɛ pee dɛ kpo kɛɛ dɛ yoɡu waa, a chɛ kɛŋɔ ó bɔ nae anue, kɛɛ dɛ bɔ peera anaarɛ chiɡ pee la naa ta.

Kaala 22:1 Referans Kwoze

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

2 Samoɛl 12:6

A chɛ kɛ ó bɔ pee la kem bele anaarɛ, dɛkalkɛ o ta nyaa la nɛɛ sune.”

Sɛɡla 6:31

Kɛ dɛ ba lawɔ tenaa, a chɛ kɛŋɔ ó bɔ kwaa waa ŋwɛa la bele anuanɛ. Kwaa waa dɔa bwa ɛɛ le o nɔn taa.

Nɛra Kura 5:7

A chɛ kɛ ó bol wechɔɡa waa ɛa la, dɛ́ bɔ kwaa baa lɛo la bwa, dɛ́ berɛ bɔne anɔ la waa bɔa la bini bele anue, dɛ́ kpɔ bɔrbeŋkpoŋ ja a ta tɛo.

Sɛɡla 14:4

Bela baa kpɔ nae dɛɛ parɛ la, dɛ nae toole naa, kondikwa aa le do. Kɛ nae lɔ bela tenaa, kondikwaa dɛ bu.

Kaala 21:36

Kɛ dɛ ba jemɛ ɡɛ nao la waa kɛŋɔ, ɡɛɛ wɛɛ chuɡri kwaa wubwa asɛ ba bol kon te be o vɛh o teɡa dɛ do leɡ bini naa, a chɛ kɛ kon te la nyin bɛl chiɡ onɔ la waa sewa la naa ta, dɛ́ kpɔ onsewe la.”

Ɛsekeɛl 33:15

kɛŋɔ dɛ nomɛl kpɔ komɛl ka tɛo o kpɔ cheɡ awɔba, dɛ lɛ suuɡa, asɛ o berɛ naate kon tɛo, kɛɛ dɛ kpɔ komɛl waa ŋwɛa ka tɛ kon te, dɛɛ teŋɛ mmarare aa dɛ tɛ mkpa ta, dɛ ɡel wechɔɡa ɛɛ yaa, waa sewa ba, wɛɛ dɔ o nyuu.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,