Kaala 20:16 - mzwDBL

¹⁶ He bɛ dansewea dɛɛ di.

Kaala 20:16 Referans Kwoze

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Matiu 19:18

Anee o pɛɛ Yeesu ŋɔ, “A bini ameo?” Anee Yeesu ŋɔ, “Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ.

Yela 15:3

nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Kaala 23:1

Korowii berɔ ŋɔ Mosis be ŋɔ, “He bɛ waa haa wola a bini jemɛ kɛrɛdɛ kpɔ dɛɛ ɡaaɡe. He bɛ dansewea di cha nɛnchɔɡe.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Jems 4:11

Yabala, he bɛ he bala dɛɛ ŋwalɛ. Nomɛlbwa waa ŋwalɛ o dɔŋ kɛɛ dɛ́ pwaoh la, dɛ Mmara laanee o ŋɔ aa were dɛɛ pwah la. Dɛ he bol waa dɛɛ yaɡɛ Mmara la aa, amɔ te dɛ haa waa Mmara la aa baɡla la ɛ. Dɛ he dɛ ɡɔɔ he te dɛɛ pwah Mmara la.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Ɛfesos 4:31

Hé ɡel nyɛɡre doe, ne bandia, ne ɡaeh, ne wesaɡasaɡare, ne bahmuɡliwa, dɛ meesɔhwaa bwa,

We-ɛɛla 6:13

Ba ɡelɔ nɛra bane ɡe ba teŋe nyosone, dɛ bol waa baa wola nae bwa dawɛ Steeven nɛɛ ŋɔ, “Tɔpere bɛlbwaa baa nɔ bol waa dɛɛ yaɡɛ ya Korowii Dea nɔ ne Mosis Mmara la.

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

Sɛɡla 11:13

Nɛn waa dɛ ŋwalɛ nɛra aa won waa ta tɔ, kɛ nɛn nɛra aa dɔ hwɛɡa o nɛɛ te dɛ tɔ wobɛlbwa ta.

Lewi Dea Tena 19:11

He bɛ dɛɛ ŋwɛ. He bɛ nyosone dɛɛ teŋe. He bɛ dɔŋa dɛɛ neɡre.

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”

Lewi Dea Tena 19:18

Bɛ he dɔŋ wechɔɡa waa ɛa la kpɔ do he bambile bini dɛ́ ɡe bɔɔ a kem. Hɛ́ɛ nyin dɔŋa kɛ he ɡbaɡba. Men Korowiirii bola.

Mmarare 5:20

He bɛ dansewea dɛɛ di.

Sɛɡla 25:18

Nɛn waa di dansewea dɛɛ dawɛ o dɔŋ nɛɛ la, o do kɛŋɔ ɡuli kɛɛ kere kɛɛ hɛm waa nyɛɡa ken.