Kaala 19:16 - mzwDBL

¹⁶ Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Kaala 19:16 Referans Kwoze

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”

Hibru 12:21

Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 8:5

Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Job Tɔn 38:25

Umee baɡle bwaala luɡri o che a ta dɛɛ ba, ne bwaala kɔra ŋwɛnɛre ɔ?

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 19:9

Belaa Korowii bol o be ŋɔ, “N dɛ ba bam waa bira kpirkpir kohona bini cheɡa dɛ́ ba he be, ásɛ nɛra la bwa no kɛŋɔ n ne he dɛ bol wa, á che a ta baa yaradae saŋ bɛlbwa.” Ate, Mosis bol waa baa bola la chaɡle Korowii.

Kaala 9:23

Mosis aa tɛr o daŋɡbala la waa lɔ o nɔn ta la, Korowii ɡelɔ bwaala kɔr dɛɛ nyɛɡle, bɔr bwa chaah asɛ dombwea ɡe lee. Gɛɛ a do Korowii ɡel dombwea lee Ijipt harɛ.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Yela 97:4

Nii la dɛ lawɛ kohona kɛŋɔ bwaala nyɛɡla ken, asɛ harɛ nɔ ta nɛra na dɛɛ chel.

Yela 50:3

Korowii yaa dɛ tomɔ dɛ ba naa, waa sɔeh dɛɛ ba, nijena dɛ́ tɔ o sie, ásɛ peukpeɡ ta baro dɛɛ cheme.

2 Webena 5:14

Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Kaala 19:11

dɛɛ kpa tɔpetooro wee la ta, dɛkalkɛ awolaa men Korowii ɡbaɡba ɛɛ ba Sinai Bwejen ta bala nɛra bwa siwi ta.

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Kaala 19:17

Anee Mosis tɔ nɛra la sie ba le dɛɛ la ka cheme Korowii, ba kaa che bwejen la lɔɡa.

Kaala 20:21

Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.

Mmarare 5:5

Dɛ n cheɡɛ he ne Korowii baah ta ɡɛ saŋ dɛ baɡle heyaa o waa bini he ɔmɛ nii la. He ta bwe la teehnɛ. O bolɔ ŋɔ,

2 Samoɛl 22:10

O forɔ le nyundua dɛ ba harɛ, asɛ baama biŋere do o naa lɔɡre.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Yela 81:8

Israel tena, hé cheɡ deŋne no n wejaala nɔ. N nɛra, n dɛ nyin kɛ he fe aa no n be!