Kaala 17:7 - mzwDBL

⁷ Mosis pa bela sɔn Maasa ne Mɛreba, dɛkalkɛ Israel tena la naɡre wa dɛ daah Korowii na dɛɛ bɔɔ ŋɔ, “Korowii ja ya nɛɛ kɛɛ o ta ya nɛɛ jae yɔ?”

Kaala 17:7 Referans Kwoze

Yela 81:7

Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Yela 95:8

“He bɛ deŋnekpeɡ ɛ kɛŋɔ he naawa fa aa ɛ deŋnekpeɡ Mɛreba, dɛ vɛh o waa noe, dɛ jo o nɛɛ la, ɡɛ baa ɛa pua hɛŋle ɡbo harɛ ta Maasa la.

Nɛra Kura 20:13

Ba pa bela sɔn Mɛreba, dɛkalkɛ belaa Israel tena naɡre Korowii wa, asɛ o baɡ ba kɛŋɔ o do ɡoroŋ.

Mmarare 9:22

Gɛ tentenee he berɛ ɡel Korowii baah di Tabera ne Maasa, dɛ Kebrɔt Hataava.

Kaala 17:2

Anomanta, ba ne Mosis naɡrɔ, asɛ ba ŋɔ, “Tɛ́ yaa nee yá nyɔ.” Asɛ o chaŋe ŋɔ, “N ne he naɡra munii ame o? Ɛrɛɛ hɛɛ nyin he daah Korowii dɛ́ na nɔɔ?”

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Josua 22:31

Ate, sɔfo Eliasa bibaa Fenehas ŋɔ ba be ŋɔ, “Ya jemɔ name kɛŋɔ Korowii ja ya nɛɛ fini, he ta he te laa kpɔ Korowii nɛɛ waa nɔ ta, he lɛ Israel tena bwa nyu le tɛra Korowii fe aa tɛr he deŋne la ta.”

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Nɛra Kura 27:14

He ne o bwaa fa vɛh n wa, he ta waa maa do heya a ta la ta teŋɛ dɛ yarada kpeɡri maa dɔa la.” Gɛ saŋee Israel tena la ɛ deŋnekpeɡ Mɛreba waa bɛne Kades dɛ do Sin pua hɛŋle ɡbo harɛ ta la.

Mmarare 6:16

He bɛ Korowii haa dɛ tomɔ daah na ɡɛ haa daahno na Maasa la.

Mmarare 33:8

O bol Lewi dea tena ɡe waa ŋɔ, ‘N Naa Korowii, he cheɡɛ he nɛndɛɛɡa Lewi dea tena nɛ Urim ne Tumim ta, dɛ pili ɡɛ haa dɛ nyin baɡ ba, dɛ daah ba na Maasa, asɛ dɛ baɡle kɛŋɔ ba ɛ kasinteŋ tena Mɛreba nee ta.

Yela 78:18

Ba saahnɔ daah Korowii na, dɛɛ nyin kondikwaa ba pɛla aa lawa.

Yela 81:8

Israel tena, hé cheɡ deŋne no n wejaala nɔ. N nɛra, n dɛ nyin kɛ he fe aa no n be!

Yela 106:32

Ba ɡelɔ hen Korowii baah di ba nɛɛ bule waa lɔ Mɛreba la ta, a kpɔ sibeɡra ta Mosis nɛ.