Kaala 16:21 - mzwDBL

²¹ Tɔɔ perɔ chɔɔ bɛlbwa naa, bɛlbwa ka dɛ tɔɔ ɡɛ del aa maɡre o ne, asɛ wee baa baŋɛ aa, anɔ la aa kaa dɛ chɔ la bwa yon mwɛɛ.

Kaala 16:21 Referans Kwoze

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Kaala 16:20

Ba bini bane ta o waa la kpɔe dɛ kwaa ane cheɡ. Tɔ aa pera la, dɛ dudule lɛ a bwa a do sɔɔh. Anomanta, Mosis baah di ba nɛ.

Kaala 16:22

Tɔpenumɛl wee la, ba dɛ tɔɔra bele anɛnɛ ɡɛ aa maɡre bɛlbwa ne, nɛmbeŋkpoŋ bɛlbwa dɛ dɔ dɛ ɛ kuruwa dela anɛ. Asɛ nomonome la ba Mosis be dɛ ba taa baɡlo.