Kaala 15:8 - mzwDBL

⁸ He nyoa peu ɡbo ɡelɔ mpo bini pere, dɛ che diɡ ne ɡal kɛŋɔ danjwɛ, o holɔ vile aa lɔ o baah ta chɔ pɛɛ.

Kaala 15:8 Referans Kwoze

Job Tɔn 4:9

Korowii bandia do kɛŋɔ dompeu, o hwee ta ba nɛɛ ba serewe.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

2 Samoɛl 22:16

Korowii baah diu dɛ kah o dɔma aa, mpo vile bwa dɛ chɔ baŋ, baa na kwaa aa lawɛ harɛ kpoŋe.

Aesaya 37:7

No, mɛɛ ɡeloo koojen la no waane aa ɛ ɔmewa, ásɛ a ɡel o berɛ kaa o harɛ ta, ásɛ Korowii ɡel bá ka kpoo kere ne.’ ”

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Josua 3:13

Sɔfore baa cheɡɛ Korowii waa dɔ harɛ nɔ bwa Daka la jo moo la ta naa, Korowii ɛɛ ɡeloo ó ɡel pala dɛ́ teŋe.”

Yela 33:7

Onee ɡela mpo boa nyoa chɔ bobeŋkpoŋ, dɛ kwaa a vile cheɡ kɛŋɔ, paa yon kwaa kondikwaa cheɡ dɔndɔŋ bini la.

Habakuk 3:15

He kpɔ he jaɡre ka do mpo ta aa valɛ, dɛɛ vuuɡi nehɛma aa dɛ ta kohona la.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.