Kaala 15:7 - mzwDBL

⁷ He kpeɡri ne he jirimaa he kpɔ taɡɛ he dɔma ta. He ɡelɔ he bandia kohona ba fuuh ba kɛŋɔ kpɔɡa ken.

Kaala 15:7 Referans Kwoze

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Aesaya 47:14

Na, ba do kɛŋɔ kpɔɡhole, nii ɛɛ fuuh baa. Hale baa won lɛ ba te le ninlao la ta kwara. Gɛ nii la ta doe kɛŋɔ nii haa won la a jwɛɛh ka ŋwee.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 83:13

N Naa Korowii, lɔ ba peɡre kɛŋɔ tutuɡ, kɛŋɔ peu aa taa dɛ kpɔ haahra kaa ken.

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Maeka 4:11

Taraken, harɛre nɛra pɛ nyoa dɛ́ ba yo heya. Ba ŋɔ, “A chɛ kɛ Jerusalam paɡre dɛ́ berɛ dimɡbia, ásɛ ya sie lɛ a wa.”

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Aesaya 37:38

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Yela 68:33

onee soɡe nyundujaɡla, dɛ do le saŋ la bwa. Hé cheɡ deŋne no kɔɡra waa dɛ kɔɡre kohona.

Yela 59:13

dɛ́ chɔɡ ba he bandia ne, ka tel kɛŋɔ ba bwa aa tona. Ásɛ nɛra baa lɔ harɛ jaɡa bwa jemɛ kɛŋɔ hen Korowii, he dɛ di kora Israel tena nɛ.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Kaala 14:27

Asɛ Mosis tɛr pa mpo la ta, bɔr chaahna bini la, o berɛ ba che o buɡ ta. Dɛ Ijipt tena chwao dɛ fe ɛɛ ba lee, asɛ Korowii taɡ ba do mpo la bini.

Mmarare 4:24

Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

Kaala 5:12

Asɛ ba lɔ jo Ijipt harɛ ta bwa dɛ ka nyin kpɔɡa la.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?