Biblia Todo Logo
Bib sou entènèt

- Piblisite -




Kaala 15:22 - mzwDBL

22 Ate, Mosis tɔ Israel tena la sie le Mposwɛm la nyoa, dɛ kpɔ ba kaa pua hɛŋle ɡbo harɛ ta bobɛl baa dɛ yerɔ Suur. Ba ɡaaɡe harɛ la ta tɔpera atoro dɛ ba ta nee nae.

Gade chapit la Kopi




Kaala 15:22
12 Referans Kwoze  

Waa dɛ kaa la, belaa Korowii nyundua torome bɛl ba o be. Dɛ o lɔ bobɛl nee aa dɛ bule pua hɛŋle ɡbo harɛ bɛl ta, dɛ do bwɛɛ Suur ŋwɛnɛ ta.


Asɛ Kooro Sɔɔl yo Amalɛk tena la le Havila harɛ ta ka tel Suur, o lɔ Ijipt wee leebɔr.


O naanar soɡo dɛ le bwɛɛ Havila, dɛ ka le Suur waa bɛne Ijipt jwɛh ta dɛ kaa Asiiria. Ismael naanar ne Abraham bii baa kaa la naanar aa somɛ.


Nomonome la ɛɛ no he waa haa bol ba be laanee, ásɛ he ne ba la Ijipt kooro be dɛ́ ka ŋɔ o be ŋɔ, ‘Korowii Hibru tena aa dɛ tomɔ la kpɔ o te chaɡle yaa. Anomanta, tɛ yaa ŋwɛnɛ yá ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ.’


A habɔɔ la, Abraham kpɔ sie chaɡɛ weekaŋle harɛbɔr pera bobɛl pua hɛŋle ɡbo harɛ baa yerɔ Nɛɡɛv, dɛ ka so Kades ne Suur baah ta. O berɔ ka so Gerar ɡe tama.


Dɛ ir Pi Haherɔt dɛ kpɔ mpo ŋwɛnɛ ta kaa pua hɛŋle ɡbo harɛ la ta. Ba valɛ tɔpera atoro Etaam pua hɛŋle ɡbo harɛ la ta dɛ ka so Mara.


Devid ta aa soɡe Siklaɡ la, o ne o laa tena la kaa lɔ tɔ Gesur ne Girsi dɛ Amalɛk tena nɛ. Saŋ la dɛ a ɡɛ nɛra nɔ soɡe Suur harɛ dɛ kpoŋe ka le Ijipt harɛ ta.


He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.


Asɛ dɛ tɔ o nɛra sie kɛŋɔ peteɡre ken, dɛ kpɔ ba valɛ pua hɛŋle ɡbo harɛ ta.


O tɔ ba sie dɛ nyiŋi ba nɛɛ kɛrɛdɛ ba ta ɔmɛ, kɛ ba dɔma la te, mpo bɔle ba nɛ, dɛ kpɔ ba kaa.


Onee tɔ o nɛra sie ba kpɔ pua hɛŋle ɡbo harɛ ta. O nyina lole saŋ bɛlbwa dɛɛ la.


Israel tena bwa iro le Sen pua hɛŋle ɡbo harɛ ta dɛɛ ɡaaɡe, dɛ so dɛɛ ir ɡɛ Korowii aa dɛ do ba la. Ba ɡaaɡɔ dɛ ka baŋre ba tɛnte deene so bobɛl ɡe baa dɛ yerɔ Refidim. Dɛ nee toole harɛ la ta bá nyɔ.


Swiv nou:

Piblisite


Piblisite