Kaala 15:15 - mzwDBL

¹⁵ Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Kaala 15:15 Referans Kwoze

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Josua 2:9

dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.

Mmarare 2:4

A ka tama hé ka kpɔ he lolanar baa ɛ Esɔ naanar dɛ do Sɛɛ harɛ jwɛh ta kaa. Baa dɛɛ ɔmɛ heyaa, kɛ hé nyiŋi kɛrɛdɛ.

Mumpar 36:40

Gɛɛ koranar baa le Esɔ be pera ɡe waa do. Ba sɔna ne ba deene ta ne ɡɛ baa soɡaa nɔ. Timna ne Alva dɛ Jetɛt,

Habakuk 3:7

N na Kusan tena tɛnte deene bini baa ɔmɛ taeh, ɡɛɛ Midian tena ɡe bwara ɛɛ sa ba tɛnte deene bini.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 13:7

Gɛ saŋ telaa, nomɛlbwa bwara ɛɛ yɔroo, ásɛ ba hwɛɡa ɡe tonɛ.

Yela 68:2

Gɛ peu yon ta dɛ́ kpɔ ninchuu kaa la, ɡɛɛ he kpɔ ba kaa ta. Gɛ ba yon kpɔ nii dɛɛ mwɛɛ tohkel la, ɡel nɛnchɔɡa sewɛ he sie ɡɛ.

2 Samoɛl 17:10

Hale banyoola baa do ɔma kɛŋɔ nyujente ɡba la dɛ ɔmɔ, dɛkalkɛ nomɛlbwa waa lɔ Israel harɛ ta jemɔ kɛ he mɛɛ ɛ banyoo tenten, o laa tena ɡe do kpeɡri.

1 Samoɛl 14:16

Kooro Sɔɔl laa tena baa dɛ daahno dɛ do Bɛnjamen harɛ ta Gebea la na Filisti tena kɛŋɔ baa wila, dɛ chwa sibeɡra ne bobɛlbwa dɛɛ kaa.

Josua 14:8

Nɛra n ne baa laŋa la ɡelɔ ya nɛra la bwara yɔr baa ɔmɛ, kɛ n te, dɛ n dɛ yarada Korowii kɛrɛdɛ.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’

Mumpar 36:15

Gɛ nɛra nɔ aa teŋa nɔ ɛ koranar Esɔ naanar bini. Esɔ biloɡle Elifas bibaala waa lol ba laanee, Teman ne Omar ne Sefo dɛ Kenas,

Yela 48:5

kɛ baa ba bwɛjen la ta la, ba bwara yɔrɔ, ɔmee kohona ɡel ba chwa kaa.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Mumpar 36:16

ne Kora ne Gatam dɛ Amalɛk. Banɔɔ ɛ Elifas naanar dɛ ɛ koranar dɛ so Edom. Ba berɔ ɛ Ada ɡe naanar.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.