Kaala 15:11 - mzwDBL

¹¹ N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 15:11 Referans Kwoze

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.

2 Samoɛl 7:22

Nemenɛ Korowii, he kan kohona. Nomɛlbwa toole dɛ do kɛ hen, ya te jemɔ saŋ bɛlbwa kɛŋɔ he ɡboo Korowii.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Mmarare 3:24

‘Nemenɛ Korowii, he pa mun dɛ kpɔ he kan ne he kpeɡri haa dɔa baɡle men maa ɛ he bonɔɔ. Komɛlbwa toole nyundua kɛɛ harɛ dɛ́ won ɛ wejena nɔ dɔŋa.

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Yela 77:14

Henee Korowii haa dɛ ɛ nyokpowa, he baɡle he kpeɡri harɛre nɛra bwa bini.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Aesaya 40:25

Korowii Waa Do Goroŋ la ŋɔ, “Umee hɛɛ ba men kpɔe maɡɔɔ? Umee n ne o ɛ kɛrɛdɛ ɔ?”

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Aesaya 40:18

Umee yaa ba wona kpɔ Korowii maɡɔɔ? Bɔkwaa yaa ba kpɔe baɡle o waɔ?

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Kaala 8:10

Asɛ Ijipt kooro chaŋo ŋɔ, “Soŋe tɛ mɛ kere.” Anee Mosis ŋɔ, “N noɔ, mɛɛ ɛ ɡɛ haa ŋɔa nɔɔ, ásɛ he jemɛ kɛŋɔ Korowii yaa dɛ tomɔ nɔ dɔŋ toole.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Lewi Dea Tena 19:2

ó ŋɔ Israel tena la bwa be ŋɔ, “Hé do ɡoroŋ, dɛkalkɛ men Korowii haa dɛ tom mɛ la, n do ɡoroŋ.

Aesaya 30:11

Hé ɡel ɡɛ haa dɛ ɛ la. He bɛ Israel Nɛŋɡoroŋ la waa bol ya be kpa.’ ”

Yela 89:18

N Naa Korowii, henee dɛɛ tɔ yaa ɡbemɡbe, henee Israel Nɛŋɡoroŋ, dɛ le ya kooro tɛ yaa la.

Wepila 13:4

Nomɛlbwa tomɛ kontuuɡi damanta la, dɛkalkɛ o kpɔ o kpeɡri tɛ olchɔɡe la. Ba duu o ne olchɔɡe la bwa kɛ Korowii ken, dɛɛ ŋɔ, “Ume dɔŋee olchɔɡe nɔɔ? Umee dɛ́ won puu yo laa lɔ?”

Kaala 3:20

Anomanta, mɛɛ che n kpeɡri taa dɛ́ ɡel Ijipt tena na n nyokpowe-ɛɛla maa dɛ́ ba ɛɛ ba bini la, mɔɔ ó ɡel he kaa.

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 20:3

He bɛ voɡ bɛlbwa tomɛ ka ja n nɛ.

2 Webena 2:5

Korowii Dea maa dɛ ba doe nɔ kan, dɛkalkɛ Korowii yaa dɛ tomɔ la kan ɡwaa voɡare bwa.

2 Webena 6:14

O ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

Yela 22:23

“He banɔ haa dɛ ɔmɛ Korowii la, hé kpɛɛro! Jekɔb naanar, hé kpɔ duure tɛo! Israel tena, hé tomɔ!

Yela 113:5

Umee do kɛ Korowii yaa dɛ tomɔ, o so o kookara ta nyundujaɡla,

Yela 136:4

O ɡboo dɛɛ ɛ wejena aa ɛ nyokpoa. O nyina lole saŋ bɛlbwa dɛɛ la.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Kaala 8:6

Asɛ Arɔn tɛr pa neerare la ta, asɛ sapone la ba tɔ harɛ la bwa ta.

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

1 Webena 16:25

Korowii kan, a chɛ kɛ ya kpɛɛro kohona, onee chɛ kɛ ya kpɔ duure tɛ dɛ ɡwaa voɡa.

Yela 60:2

He ɡelɔ harɛ jiɡri, o bini pere. Berɛ kwaa tɔɔɡe bɔɔne la, dɛkalkɛ a dɛ paɡri.

Yela 77:11

N Naa Korowii, mɛɛ lii he wejena haa ɛa la waa, he nyokpowaa haa ɛa saŋ la.

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Aesaya 46:9

Hé lii waa aa chiɡa saŋ la. N ɡboo Korowii, n dɔŋ toole.