Kaala 14:7 - mzwDBL

⁷ O kpɔ kwaa aa do kɛ torɔɡo aa lɔ Ijipt harɛ bwa ta ne anɔ la aa kpeɡa kɛrɛdɛ la lafraanumɛl, asɛ dɛ le o laa nomonome ba chɔ a nyoo.

Kaala 14:7 Referans Kwoze

Kaala 15:4

Ijipt kooro kwaa baa vɔwa pɛl jaɡre ne o laa tena, o taɡɛ a bwa do mpo bini, Kooro nomonome tenten bwa sirimi mpo la bini.

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Sitɔɔla 4:15

Barak aa dɛ tel Sisera be la, Korowii yoo tɛ Israel tena ba pɔ Sisera ne kwaa aa do kɛ torɔɡo ba vɔwɛ dɛɛ pɛla la bwa, ne o laa tena nɛɛ ba wili, asɛ Sisera tu le o bune kon waa do kɛ torɔɡo ba vɔwɛ pɛl jaaɡɔ la dɛ kpɔ nakpale ta chwa kaa.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

Kaala 14:23

ne Ijipt tena baa soɡe jaɡre ta, ne kwaa aa do kɛ torɔɡo la bwa ti ba dɛ ka jo mpo la ta.

Kaala 14:6

Ate, kooro ɡel ba kpɔ kon waa do kɛ torɔɡo ba vɔwɛ pɛl jaɡre dɛɛ so a bini ba cheɡ, asɛ dɛ boa o laa tena nyoa.

Kaala 14:8

Korowii ɡelɔ Ijipt kooro la deŋne do kpeɡri, asɛ o ti Israel tena baa kpɔ silɛɛ le dɛɛ kaa la.

Mumpar 50:9

Baala baa soɡe kwaa aa do kɛŋɔ torɔɡo ba vɔwa pɛl jaɡre, ne nɛra baa soɡe jaɡre ta ɡe bwa jao dɛ teŋɛ la bɛl. Nɛnlaa tentenee laŋa.