Kaala 14:2 - mzwDBL

² “Ŋɔ Israel tena be ŋɔ ba berɛ ba baŋre ba tɛnte deene Pi Haherɔt jwɛh waa lɔ Miɡdol ne Mposwɛm baah ta la. Bá so mpo nyoa ásɛ Baal Sefon ɡe do baŋ bɛl.

Kaala 14:2 Referans Kwoze

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Kaala 14:9

Kooro kwaa aa do kɛ torɔɡore la bwa, ne nɛra baa soɡe jaɡre ta, dɛ laa tena la ti Israel tena, dɛ ka bɛn ba bela baa baŋre tɛnte deene Mposwɛm nyoa la. Bela bɛne Pi Haherɔt asɛ Baal Sefon ɡe do baŋ bɛl.

Ɛsekeɛl 29:10

N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Kaala 14:1

Ate, Korowii ŋɔ Mosis be ŋɔ,

Kaala 14:3

Ijipt kooro ɛɛ liiruu kɛŋɔ Israel tena nyoɡre pua waa ɛ hɛŋle ɡbo harɛ ta belaa dɛɛ ɡaaɡe ba bɔr.

Josua 24:6

Maa lawɛ he naawa le Ijipt harɛ la, asɛ Ijipt tena so torɔɡore baa vɔwa pɛl jaɡre ta, ne laa tena baa soɡe jaɡre ta ti ba ka tel Mposwɛm ta.