Kaala 13:14 - mzwDBL

¹⁴ Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:14 Referans Kwoze

Josua 4:6

Bwea nɔɔ dɛ́ lii heya waa Korowii aa ɛa tɛ heya. Dɛ kerekere he bii ba dɛ bɔɔ ɡɛ bwea la aa cheɡa tɛ aa,

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Yela 145:4

Fini bii ɛɛ baɡle waa haa ɛa baɡle kerekere biirii, baa bol he wejena haa ɛa waa.

Josua 22:24

Ɔmaa ya ɔmɛ dɛ ɛ ɡɛ, dɛkalkɛ kerekere he naanar ɛɛ ba bɔɔ ya naanaree ŋɔ, ‘Bɔkwa waa binii he ne Korowii Israel tena aa dɛ tomɔ doɔ?’

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Mumpar 30:33

A ba ɡɛ naa, kerekere hɛɛ won jemɛ kɛŋɔ n ɛ nɛndɛɛɡe. Tɔpebɛl haa ba ŋɔ he nyiŋi n toma ɛɛ bini la, pebie bɛlbwa waa wola ombiŋi ɛɛ ne bombiire aa wola lɛɡrɛ kɛɛ dɛ peeɡe koo n kwaa ta naa, amɔ jemɛ kɛ dɛ ŋwɛɛ n ŋwɛ.”

We-ɛɛla 13:17

Korowii ya Israel tena nɔ aa dɛ tomɛ la fa le ya naawa ŋɔ bá ɛ o nɛra nɛwɛnyina bwa bini. A ɡɛ saŋ baa lɔ Ijipt harɛ la, o ɡelɔ ba warɛ, asɛ ba sɔn ɡe le kohona. Belaa o ba kpɔ ba le Ijipt harɛ o kpeɡri ne,

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 13:8

Awola haa dɛɛ di tɔpere la, hé ŋɔ he bii be ŋɔ, ‘Korowii kpeɡri ne bokpeɡa waa kpɔa lɛ yaa le Ijipt harɛ ta la waa yaa ɛ ɡɛ.’

Yela 78:4

Yaa kpɔ sɔh ya bii, yaa boloo baɡle ya naanar baa ka ba, dɛ́ kpɛɛ Korowii kpeɡri ne o wejena, dɛ o nyokpo we-ɛɛla waa ɛa.

Kaala 6:1

Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Josua 24:17

Korowii yaa dɛ tomɔ nɔɔ le ya ne ya naawa le Ijipt harɛ ta, dɛ ya ɛ yoma bela. Ya na nyokpowaa kohona waa ɛa. O kpɔ nɔn tɔ ya nɛɛ ya vala bini bwa, ne harɛre yaa kpɔ a ta bwa.

Sitɔɔla 2:12

Ba vɛh Korowii ba naawa aa tomɔ o lɛɛ ba le Ijipt harɛ ta la toma, dɛɛ tomɛ nɛra baa soɡa bar ba la voɡa, a ɡel Korowii baah di ba nɛ

Sitɔɔla 6:8

Korowii Israel tena aa dɛ tomɛ ɡelɔ o keame bɛl ba ba be ŋɔ, “Men lɛ heyaa le Ijipt harɛ ta somanjiri dii ta.

1 Webena 16:12

Hé lii o nyokpowaa waa ɛa, o wejena ne o waa aa dɔ kasinteŋ la wa,

Nehemia 1:10

N Naa Korowii, ba ɛ he bonɔɔna ne he ɡbaɡba nɛra. He kpeɡri ne he bokpeɡa nee he lɛɛ ba.

Yela 136:11

O tɔ Israel tena sie le Ijipt harɛ. O nyina lole saŋ bɛlbwa dɛɛ la.

Jeremia 34:13

“Waa Korowii Israel tena aa dɛ tomɔ aa dɛ bol laanee nɔ, ‘N ne he naawa fɔwɛ fɔo ɡɛ saŋ maa laɡ ba le Ijipt harɛ ta, bela baa do ba kɛŋɔ yoma la, kɛŋɔ

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.