Kaala 12:8 - mzwDBL

⁸ Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Kaala 12:8 Referans Kwoze

Kaala 34:25

Hé dɛ ba kon kpoe ɛ saraha tɛ mɛ naa, he bɛ komɛlbwa iisi aa koo o ta kpɔ ja. He bɛ ɡel Galekaa kondikwaa haa kpɔa ba ɛ saraha la ka tɔɔ per a ta.

Mmarare 16:7

Hé daa ol la, dɛ́ so bela haa dɛ tomɛ Korowii la dɛ́ chwe, ásɛ tɔɔ perɔ chɔa he kaa bela haa soɡa.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Kaala 23:18

He bɛ komɛlbwa baa kpo ɛ saraha chal kpɔ ja komɛlbwa iisi aa lɔ o ta tɛ mɛ. Ola baa kpoora n tɔpejena ta noorare ta chɛ kɛŋɔ hé cheɡa tɔɔ per a ta.

Kaala 13:7

Hé di paanoo iisi aa wola toole a ta tɔpera anuanɛ la ta. He bɛ ɡel komɛlbwa iisi aa lɔ o ta do he be. Hale he harɛ jwɛh ta bobɛlbwa kwara.

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

Galaasia 5:9

Ba ŋɔ, “Iisi tama ken won paanoo damanta hoeh,” anomanta, hɛ́ɛ nyiŋi liire aa do ken nɔ dɔŋa kɛrɛdɛ.

Matiu 26:26

Baa dɛ di kwaa la la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la dɛ ŋɔ, “N bo-olii la. Hé lɛ dɛ́ di.”

Matiu 16:12

Name o habɔteŋra la ta no waa la mun kɛ iisi baa kpɔa dɛɛ ɛ paanoo waa laa wɛɛ ja ba la, kɛ Farisii tena ne Saduki tena webaɡla la taa wɛɛ ja ba.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Emɔs 4:5

Israel tena, hé kpɔ paanoo iisi aa lɔ a ta ɛ saraha ba jam mɛ, dɛɛ baɡle he te saraha aa le he bambile la ta, dɛkalkɛ anee hɛɛ nyin ɛɛ kɛrɛdɛ. Men Nemenɛ Korowiirii bola.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Kaala 12:9

He bɛ ola la an lwɛɛ kɛɛ an daala chwe. Hé wɔɔ ane a nyuune ne nakpale ne a tea bini kwaa te bwa.

2 Webena 35:13

Lewi dea tena la wɔɔ Galekaa Tɔpejen ola la ɡɛ baa baɡla, dɛ daa anɔ la aa do ɡoroŋ la viine ne loɡa bwa soo siwi ne, dɛ bɔne ola la warane tɛ nɛra la bwa.