Kaala 12:12 - mzwDBL

¹² Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kaala 12:12 Referans Kwoze

Nɛra Kura 33:4

Dɛ Ijipt tena la dɛ huɡe ba bibanloɡla Korowii aa kpoo ba ba deremi ta dɛ kpɔ baɡle o kpeɡri waa dɔa ɡwaa ba voɡa.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Jeremia 43:13

Wɛɛ kuuɡi bwea baa paaɡa dɛɛ duura Hɛleopɔles Ijipt harɛ ta laanee, dɛ́ fuh Ijipt voɡa deene ɡe bwa.’ ”

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Yela 82:6

Men Korowii maa lɔ nyundua ŋɔ, ‘He bɛlbwa do kɛ Korowii, kɛɛ men Nemenɛ Korowii bii.’

Yela 82:1

Korowii soɡe o kookara ta nyundua, koŋkwaare aa dɛ tomɔ bwa cheme o sie, asɛ o bol a waa dɛɛ pa bole dɛ ŋɔ,

Kaala 6:2

Korowii berɔ ŋɔ Mosis be ŋɔ, “Menee Korowii.

Emɔs 5:17

Nɛra ɛɛ wi daa kooni ta bwaa. Gɛ waa nɔ bwa ɛɛ bao, dɛkalkɛ n dɛ ba ba tɛr he deŋne. Men Korowiirii bola.”

1 Webena 14:12

Filisti tena chwao ɡel ba voɡare bela, asɛ Kooro Devid tɛ o nɛra ŋwɛnɛ ŋɔ ba fuah.

1 Samoɛl 5:3

Tɔ aa pera chɔmbibi la, Asdɔd tena nao kɛŋɔ ba voɡ Daɡɔn la cholo o sie pi harɛ Korowii Ne Nɛwɛnyina Fɔo Daka la sie, asɛ ba ka kwaaro pa o buɡ ta.

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

1 Samoɛl 6:5

Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.

Kaala 21:6

nomoa la chɛ kɛŋɔ ó la o ne nɛra baa bol waa dɛɛ pa bole sie, dɛ́ lawɛ o deŋne marɛ doonyoa daa keŋkeŋ, dɛ́ forɔ ó ɛ o nɛndɔɔle dɛɛ la, hale o serewe bena.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Yela 135:8

O kpoo Ijipt harɛ nɛra biloɡla, ne kondɛɛra ɡe biloɡla.

Jeremia 43:12

Mɛɛ kpaa nii do Ijipt harɛ voɡare deene ta, ásɛ dɛ ɡel Babelɔn kooro fuh ba voɡare kɛɛ dɛ́ paa kaa. Gɛ peteɡre yon laa kpanjeɡa dɛɛ kpɔ o batakaare ta la, ɡɛɛ Babelɔn kooro ɛɛ ba doŋa laa kpɔ Ijipt harɛ ta, dɛ́ pɔ ba nɛɛ le bela kaa.

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Kaala 9:6

Tɔ aa pera la, Korowii ɛ ɡɛ waa bola la. Kondɛɛra aa ɛ Ijipt tena kwaa la bwa serewɔ. Kɛ anɔ la aa ɛ Israel tena kwaa la te, beŋkpoŋ kwaraa ta sewɛ.

Yela 91:7

Nɛra kaɡboŋ ɛɛ serewoo chɔ he jwɛh, kaɡboŋa fi chɔ dɛ́ bare, kɛ wobɛlbwa aa hen ɛ.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.