Kaala 11:3 - mzwDBL

³ Korowii ɡelɔ Ijipt tena sie lɛ Israel tena la nɛ, asɛ kooro ne o nomonome ne harɛ la ta nɛra bwa kpɔ Mosis ɛ nɛnjen.

Kaala 11:3 Referans Kwoze

Kaala 12:36

Korowii ɡelɔ Ijipt tena sie lɛ ba nɛ, dɛ ɡel ba tɛɛ ba komɛlbwa baa soŋ ba la. Anɔ taa a che ba che Ijipt kondɔɔh bwa kaa.

Kaala 3:21

Mɛɛ ɡeloo ba siwi su heya, ásɛ dɛ he ba dɛ kaa laa, he bɛ nɔŋɡbala kpɔ kaa.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Yela 106:46

He ɡelɔ nɛra baa dɛ fiɡ ba la bwa berɛ na ba sum.

Mumpar 39:21

Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

We-ɛɛla 7:22

Mosis hweli Ijipt tena waa bwa dɛ dɔ ba wejema bwa. Dɛ o wobol dɛ jo deŋne, o berɛ won wejena ɡe ɛɛ ja.

Ɛsta 9:4

Mɔdekae berɛ nomonjen koodem bela, nomɛlbwa no o waa harɛre la bwa ta, asɛ o ta na dɛɛ dɔ kpeɡri saŋ bɛlbwa.

2 Samoɛl 7:9

N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

Mmarare 34:11

Korowii ta o keame bɛlbwa ɡe nɛɛ cheɡɛ dɛ ɛ nyokpowaa kɛŋɔ anɔ la waa ɡela Mosis ɛa Ijipt kooro ne o nɛra baa chɔ o harɛ nyoa, ne Ijipt harɛ la bwa ta la.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Kaala 12:35

Ba ɛ ɡɛ Mosis aa do ba la, dɛ soŋe Ijipt tena la suuɡapoŋa ne suuɡaswɛm kwa dɛ yale.

Mmarare 34:10

Mosis habɔɔ la, Korowii keame bɛlbwa ta berɛ le Israel kɛŋɔ on kpa, dɛkalkɛŋɔ dɛ o ne Korowii dɛ bol wa.

Josua 4:14

Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.