Kaala 10:3 - mzwDBL

³ Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Kaala 10:3 Referans Kwoze

1 Pita 5:6

Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 1:5

Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 1:24

N teŋɔ dɛɛ yerɛ heya, kɛ he vɛoh, n ta nɔn ŋɔ he ba, kɛ he mwaa n ne.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

1 Koranar 18:21

Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.

Nɛra Kura 14:27

“Ń lawɛ bambile nɛnchɔɡa baa dɛ naɡre n waa nɔ nɛɛ ka tel saŋ besoo? N no waa Israel tena aa dɛ naɡre la bwa.

Kaala 16:28

Belaa Korowii ŋɔ Mosis be ŋɔ, “Dɛ ka tel saŋ besoo hɛɛ nyin he vɛh waa maa do heyaa ta teŋa ɔ?

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

2 Webena 7:14

asɛ ba charɛ liire dɛ le wechɔɡa baa dɛ ɛ la ta, dɛ wi noo mɛ naa, mɛɛ no ba bee le nyundua, dɛ́ kpɔ ba wechɔɡa kɛ ba dɛ́ berɛ ɡel ba harɛ la do wer.

Kaala 4:23

asɛ n ŋɔ he be ŋɔ, he tɛ n bibaa ŋwɛnɛ ásɛ o ka tom mɛ. Kɛ he vɛoh, anomanta, mɛɛ kpo he ɡe bibanloɡlee.”

Kaala 10:4

He vɛoh he ta ɡelɛ ba kaa laa, kere mɛɛ ɡeloo tontombɛ ba harɛ nɔ ta.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Daneɛl 5:22

Kɛ hen, n naa Kooro Bɛlsasa, haa ɛ n naa Kooro Nebukadnesa bibaa la, he jemɛ ɡɛ waa nɔ bwa, kɛ he ta he te pwɛrɛ.

Kaala 5:1

A habɔɔ la, Mosis ne Arɔn la kooro la be dɛ ka ŋɔ o be ŋɔ, “Korowii Israel tena aa dɛ tomɔ la ŋɔ, ‘Tɛ n nɛra ŋwɛnɛ ba kaa, ásɛ dɛ ka di Tɔpejen tɛ mɛ pua hɛŋle ɡbo harɛ la ta.’ ”