Kaala 10:27 - mzwDBL

²⁷ Korowii ɡelɔ Ijipt kooro deŋne ta do kpeɡri, o ta ɡelɛ ba kaa.

Kaala 10:27 Referans Kwoze

Kaala 10:20

Kɛ Korowii ɡelɔ kooro la bambile ta do kpeɡri o vɛh Israel tena la ŋwɛnɛ tɛɛ bá kaa.

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

Kaala 14:8

Korowii ɡelɔ Ijipt kooro la deŋne do kpeɡri, asɛ o ti Israel tena baa kpɔ silɛɛ le dɛɛ kaa la.

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

Kaala 10:1

Belaa Korowii ŋɔ Mosis be ŋɔ, “La Ijipt kooro be, n ɡelɔ o ne o nomonome deŋne do kpeɡri ɡɛ aa ɛ ń won ɡel ba na n nyokpowe-ɛɛla ba baah,

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

Kaala 11:10

Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.