Kaala 10:22 - mzwDBL

²² Asɛ o tɛr o nɔn pa nyundua, asɛ biro kpirkpirkpir la ba tɔ Ijipt harɛ ta tɔpera atoro.

Kaala 10:22 Referans Kwoze

Yela 105:28

O ɡelɔ biro tenten ba tɔ harɛ la bwa ta, kɛ Ijipt tena ta o waa ta teŋɛ.

Wepila 16:10

Onɔ la waa teŋa nue la ɡe leɔ, dɛ ka fuɡe o kwaa ta olchɔɡe la kookara ta, asɛ bɔr bir nɛra waa dɛ di kora ba nɛɛ la bwa nɛ, asɛ baa menɛ nyoa ba bonyɛɡa la wa,

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Mmarare 4:11

Hé bol ba be ɡɛ chuu kohona ne baama aa bira kpirkpir ane aa tɔa, ninlao ɛɛ hɔ a bini dɛɛ kaa nyundua, ɡɛ saŋ he fa aa cheɡɛ bwejen la lɔɡa la wa,

Kaala 20:21

Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Job Tɔn 5:14

Biro dɛ ba ba nɛɛ webaŋa, baa laɡre bɔr kɛŋɔ jwaana ken.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Ɛsekeɛl 32:7

Maa ba chɔɡe tonɛ la, mɛɛ tɔ nyundua, ásɛ weweela nyoɡre, dɛ́ kpɔ baama tɔ wee ta, ásɛ korobie ɡel chaahna.

Ɛsekeɛl 32:8

Mɛɛ dime kwaa aa lɔ nyundua dɛɛ chaah bwaa, mɛɛ ɡeloo bɔr bir ta he nɛ, he harɛ ta. Men Nemenɛ Korowiirii bola.