Kaala 1:11 - mzwDBL

¹¹ Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 1:11 Referans Kwoze

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Kaala 2:11

Mosis aa kpeɡa la, awola bɛl, o iro dɛ ka chɔɔ o bala Hibru tena, dɛ na ɡɛ baa do ba baa ɛ tomkpeɡa. Asɛ Mosis na Ijipt te kɛŋɔ waa dɛ lɔɔ o bwɛɛ Hibru te.

Mumpar 47:11

Josef kpɔ o mɛɛ ne o dɔɔranar ka so harɛ la ta, bela waa wera ŋɔ ó ɛ ba kon, ɡɛ kooro aa bola la. Dɛ bela bɛne bwɛjen Rameses, Gosen bela.

Yela 81:6

“N lɛ he bone haa cheɡa dɛɛ koh, dɛ choɡ he bontɔɡa cheɡ harɛ.

Mmarare 26:6

Ijipt tena la fiiɡi yaa dɛ ɡel ya ɛ tomkpeɡa dɛ na wahala.

Nɛra Kura 20:15

Gɛ ya naawa aa kaa Ijipt harɛ ta, asɛ ya ka bela biɡri, Ijipt tena fiiɡi yaa,

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Yela 105:13

Dɛ harɛre taa ba do dɛɛ ɡaaɡe. Ba le harɛ bɛl ta naa, dɛ ba kaa bɛl ta.

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

2 Webena 8:4

dɛ ka vɔrɔwe bwɛjen Tadmɔ waa lɔ pua hɛŋle ɡbo harɛ ta, dɛ bwɛjena aa lɔ Hamat harɛ waa dɛ cheɡ laala a bini bwa.

1 Koranar 9:19

ne bwɛjena baa do deene dɛɛ cheɡ kwaa a bini ne bwɛɛre kwaa baa vɔwa pɛl jaɡre ne o jaɡre aa dɛ do, ne komɛlbwa o pɛla aa dɔa kɛŋɔ ó ma Jerusalam, ne Lɛbanɔn ne harɛ la bobɛlbwa waa dɛ di o ta kora.

Kaala 5:15

Anee Israel tena baa ɡela ba chɔ ba bala nyoa la la Ijipt kooro be dɛ ka ŋɔ, “N naa kooro, ɛrɛɛ he ɛ yaa ɡɛ nɔɔ?

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Kaala 5:10

Belaa Ijipt tena baa dɛ nyiŋi tom-ɛɛra la nɛ, ne Hibru tena baa chɔ ba bala nyoa la le dɛ ka ŋɔ nɛra la be kɛŋɔ kooro ŋɔ, “Maa heyaa kpɔɡholee tɛ kpa.

2 Webena 16:4

Kooro Bɛn Hadad no Kooro Asa be dɛ tomɛ o laa sitɔɔla ne ba laa tena ŋɔ, bá ka yo Israel harɛ bwɛɛre. Ba pɔ Ijon ne Dan dɛ Ebel Bɛt Maaka bwɛɛre, dɛ Naftale dea harɛ bwɛjena baa dɛ cheɡ laala a bini bwa.

Yela 129:1

N bonɔɔne saŋ bwaa ba le fiɡ mɛ kohona. Israel tena, hé chaŋe ŋɔ,

Kaala 5:8

kɛ dɛ ta ɛɛ teŋe ɡɛ tenten baa dɛ teŋe wubwa la. He bɛ ane laa kpɔ a ta. Ba ɛ nɛra ba sie aa dɛ hwah toma ɛɛ, a waa baa wi ŋɔ, ń ɡel ba la ka kpoo kwaa ɛ saraha tɛ Korowii baa dɛ tomɔ la.

Yela 129:2

“Le ya bonɔɔne saŋ bwaa ya dɔma yo yaa taeh, kɛ ba ta wone pɔ ya nɛ.