Kaala 1:10 - mzwDBL

¹⁰ Hé ɡel ya kpɔ liire ɡɛ yaa ɛ ásɛ ba bɛ won warɛ ya harɛ nɔ ta kohona kpa. Gɛ laa dɛ laa baa chole harɛ nɔ ta naa, baa ja ya dɔma nɛɛ dɛ́ yo yaa dɛ́ chwa le harɛ nɔ ta kaa.”

Kaala 1:10 Referans Kwoze

We-ɛɛla 7:19

Dɛ o dɛ neɡ ba dɛɛ ɛɛ ba nyubinikpeɡ, dɛɛ fiɡ ba, dɛ ɡel ba kpɔ ba bechasɔɔhne kaa ta baa serewe.

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Yela 105:25

O berɛ Ijipt harɛ tena liire, dɛ ɡel ba hah o nɛra, dɛ dɔ liichɔɡa tɛɛ ba.

Yela 10:2

Nyubinikpeɡ tena mbarafo, ba cheɡɛ nyaara nɛ, ɡel ba liichɔɡa ɡure ba nyu ta.

We-ɛɛla 23:12

Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 16:25

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

Nɛra Kura 22:6

Ba kpeɡri ɡwaa mɛ, anomanta, ba tomɛ ba toma tɛ mɛ, n ken ɛɛ wonoo pɔ ba nɛɛ dɛ́ doŋ ba le n harɛ nɔ ta. N jemɔ kɛŋɔ nomɛlbwa haa sweero andɛɛɡa la, dɛ́ dɔ wedɛɛɡa. Banɔ la ɡe haa taah ba dɛ́ na a wa.”

1 Samoɛl 29:4

Kɛ Filisti tena laa nomonome la baah di Kooro Akis nɛ dɛ ŋɔ, “Gel o berɛ kaa ka so bwɛɛ haa kpɔa tɛo la ta. A ta chɛ kɛŋɔ yá ne o pɛ la laa, ɡɛ laa aa, o ken ɛɛ berɛ siee chaɡɛ ya nɛɛ dɛ́ kpoo yaa. Dɛ Devid wono kpoo ya laa tena dɛ dɔ ba nyuune ka tɛ Kooro Sɔɔl aa, o sie ɛɛ lɛ o nɛɛ ó berɛ lɛo.”