Josua 8:35 - mzwDBL

³⁵ Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

Josua 8:35 Referans Kwoze

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Joel 2:16

Hé boa nɛra la nyoa, dɛ́ laa ba doŋa kpɔ ba nɛ. Hé boa nomonome nyoa, dɛ́ yerɛ bechale bá ba cheme, hale bechasɔɔhne baa dɛ ɔr. Hanfale ne o jaa le ba dea baa soɡe o bini ba.

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Mmarare 29:11

ne haahna, ne bechale dɛ hɔɔhra he ne baa soɡa ba che daa ne nee dɛɛ tɛ heyaa bwa,

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

Mmarare 4:2

He bɛ wobɛlbwa kpɔ ja waa maa do heyaa a ta la ta, he bɛ ane ɡe laa kpɔ. Hé lawɛ Korowii haa dɛ tomɔ waa maa kpɔa dɛɛ tɛ heyaa nɔ bini.

Kaala 12:38

Nɛmpɛɛne warɔ dɛ ja ba nɛɛ kaa. Peera ne boohna dɛ nae kohona bwa ɡe jao.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Mmarare 29:9

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”

Mmarare 29:10

Mosis ŋɔ Israel tena la be ja ŋɔ, “Korowii siee he bwa che fini la, onee hɛɛ tomɛ. He nomonome, ne nɛra baa dɛ tɔ he sie, ne baala,

Nehemia 8:3

O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.